ރައްޔިތުން މަޖިލީހުގައި ވިލިމާލެ ދާއިރާގައި ދެ ދައުރު ހޭދަ ކުރެއްވުމަށްފަހު އުފަން ރަށު ދާއިރާއަށް ކުރިމަތިލައި، ޕީޕީއެމް ޕީޖީ ލީޑަރު އަހުމަދު ނިހާން ހުސެއިން މަނިކަށް ނާކާމީޔާބީއާ ކުރިމަތިލައްވަން ޖެހިވަޑައިގެންފި އެވެ.
ނިހާން މީގެކުރިން ދެދައުރުވެސް އަދާކޮށްފައިވަނީ ވިލިމާލެ ދާއިރާގެ މެންބަރުގެ ގޮތުގައި އެވެ. ނަމަވެސް މިފަހަރު ނިހާން ކުރިމަތިލެއްވީ އުފަން ރަށް، ތިނަދޫ ދެކުނު ދާއިރާއަށެވެ.
ނިހާނާއި ވާދަކޮށް އެދާއިރާގެ ގޮނޑި ކާމިޔާބު ކުރެއްވީ އެމްޑީޕީގެ ކެންޑިޑޭޓް އަބްދުﷲ ސަނީފެވެ.
ނިހާން ވަނީ ބަލި ގަބީލު ކުރައްވާ ސަނީފަށް މަރުހަބާ ދަންނަވައި، ޓްވީޓް ކުރައްވާފަ އެވެ.
ތިނަދޫ ދެކުނު ދާއިރާގެ އާބާދީގެ 3603 މީހުންގެ ތެރެއިން ވޯޓްލުމުގެ ހައްގު ލިބިގެންވަނީ 2528 މީހުންނެވެ.