ލިޒްބަން (މެއި 2) - ޕޯޓޯގެ ޕްރެކްޓިހުގެ ތެރެއިން އެ ޓީމަށް ކުޅެމުން އަންނަ ތަޖުރިބާކާރު ގޯލްކީޕަރު އިކާ ކަސިޔަސް ހާޓްއެޓޭކެއް ޖެހިގެން ހޮސްޕިޓަލްގައި ފަރުވާ ދެމުންއަންނައިރު، އޭނާގެ ހާލު މިހާރު ރަނގަޅުކަމަށް ރިޕޯޓުތައް ބުނެފި އެވެ.
ހޮސްޕިޓަލުގައި އޮވެގެން ކުރި ޓްވީޓެއްގައި، ސްޕެއިންގެ ގައުމީޓަމަށް 167 މަވު ކުޅެ، އެގައުމުގެ ތާރީހުގައި ފުރަތަމަ ފަހަރަށް 2010 ވަނަ އަހަރު ވާލްޑް ކަޕް ތަށި ކާމިޔާބުކޮށްދިން ކަސިޔަސް ބުންޏެވެ.
ކަސިޔަސް މިހާރު ކުޅެމުންދާ ޕޯޓޯ އިން ބުނީ އޭނާއަށް ހާޓްއެޓޭކެއް ޖެހިފައިވާކަމަށް ޑޮކްޓަރުން ކަށަވަރުކޮށްދީފައިވާ ކަމަށާއި، ނަމަވެސް ހިތަށް ދިމާވި މައްސަލަ މިހާރު ހައްލުކުރެވިފައިވާ ކަމަށެވެ.
ކަސިޔަސް ވަނީ 1999 ވަނަ އަހަރުން ފެށިގެން 2015 ވަނަ އަހަރާ ހަމައަށް ރެއާލް މެޑްރިޑަށް ކުޅުމަށްފަހު ޕޯޗުގަލްގެ ޕޯޓޯ އަށް ބަދަލުވީ ހިލޭ ޓްރާންސްފާއެއްގައި ބަދަލުވެފަ އެވެ.