ފޮރިން މިނިސްޓަރު އަބްދުﷲ ޝާހިދު ރަަސްމީ ދަތުރުފުޅެއްގައި މިއަދު ރޮމޭނިއާއަށް ފުރާ ވަޑައިގެންފި އެވެ.
މިނިސްޓަރު ޝާހިދުގެ މި ދަތުރު ފުޅަކީ ރޮމޭނިއާގެ ފޮރިން މިނިސްޓަރު މެލެސްކާނޯގެ ދައުވަތަކަށް ކުރައްވާ ދަތުރުފުޅެކެވެ. ދެގައުމުގެ ގުޅުން އިތުރަށް ބަދަހިކުރުމާއި ބެހޭ ގޮތުން މިނިސްޓަރ ޝާހިދު މެލެސްކާނޯ އާއި މި ދަތުރުފުޅު ގައި މަޝްވަރާ ކުރައްވާ ގޮތަށް ވަނީ ހަމަޖެހިފަ އެވެ.
މިދަތުރުފުޅު ގައި ޝާހިދު ރޮމޭނިއާގެ ބޮޑު ވަޒީރުގެ ނައިބު އަނާ ބަޗޯލްގެ އަރިހަށް އިހްތިރާމުގެ ޒިޔާރެތެއްވެސް ކުރައްވާނެ އެވެ. އަދި އެގައުމުގެ ސަރުކާރުގެ އެހެން އިސްވެރިންނާ ބައްދަލުކުރައްވާ ރާއްޖޭ އާއި ރޮމެނިއާގެ ގުޅުން މިހާރަށް ވުރެ ބޮޑަށް ބަދަހިވެގެންދާނެ ގޮތްތަކާއި ބެހޭގޮތުން މަޝްވަރާ ކުރައްވާނެ އެވެ.
ރޮމޭނިއާއަށް ކުރައްވާ ރަސްމީ ދަތުރުފުޅު ގައި މިނިސްޓަރުގެ ޝާހިދުގެ އަރިހުގައި ފޮރިން މިނިސްޓްރީގެ ސްޓޭޓް މިނިސްޓަރު އަހްމަދް ހަލީލް އާއި އެމިނިސްޓްރީގެ އެސިސްޓެންޓް ޑިރެކްޓާ ފާތުމަތު ރަޒާނާ ވެސް ބައިވެރިވެ ވަޑައިގަންނަވާނެ އެވެ.