ރުއްގަސް ނެގުމުގެ ގާވާއިދަށް އާންމުންގެ ހިޔާލު ހޯދަން ފޯރަމެއް ބާއްވަން އެންވަޔަރަމަންޓް މިނިސްޓްރީން ނިންމައިފި އެވެ.
އެއްވަޔަރަމަންޓް މިނިސްޓްރީން ބުނީ، ރުއްގަސް ކެނޑުމާއި އުފުރުމާއި ކޮނެގެން ނެގުމަކީ ފަހަކަށް އައިސް ވަރަށް ގިނައިން އެމިނިސްޓްރީއަށް އަންނަ ޝަކުވާއެއް ކަމަށެވެ.
އެހެން ނަމަވެސް ރުއްގަސް ނެގުމުގެ ގަވާއިދު މިހާރު އޮންނަ ގޮތުން ފިޔަވަޅު އެޅެނީ ބައެއް ފަރާތްތަކަށް ކަމަށެވެ. އެހެންކަމުން އެ ގަވާއިދު އިސްލާހު ކުރުމަށް އާންމުންގެ ހިޔާލު ބޭނުންވާ ކަމަށް މިނިސްޓްރީން ބުންޏެވެ.
އެ ފޯރަމް އޮންނާނީ މި އަންނަ އަންގާރަ ދުވަހުގެ ރޭ 9:30 ގައި ސަލްޓަން ޕާކުގައި ހުންނަ އެންފިތިއެޓާގަ އެވެ. ފޯރަމުގައި އެންވަޔަރަންމަންޓް މިނިސްޓަރުގެ އިތުރުން މިނިސްޓްރީގެ ކަމާބެހޭ އިސް ބޭފުޅުން ބައިވެރިވެވަޑައިގަންނަވާނެ އެވެ.
ރުއްގަސް ނެގުމުގެ އާ ގަވާއިދެއް އެކުލަވާލައި އާންމު ކުރީ މި އަހަރުގެ ތެރޭގައި އެވެ. އެ ގަވާއިދަށް އާންމުންގެ ހިޔާލު ލިޔުމުން ހުށަހަޅަން މީގެ ކުރިން ވަނީ ހުޅުވާލާފަ އެވެ.