ވިޔަފާރި

މޯލްޑިވިއަންއިން ނުވަ ލައްކަ ކިލޯގެ ކާގޯ އެތެރެކޮށްދީފި

ވީއައިއޭ ، 17 ޖެނުއަރީ 2019-- ވެލާނާ އިންޓަނޭޝަނަލް އެއާޕޯޓްގައި މޯލްޑިވިއަންގެ މަތިންދާބޯޓެއް ފުރަން ތައްޔާރުވެފައި މިދިޔަ އަހަރު މަހަކު 6000 މީހުން ރާއްޖެ އެތެރެކޮށް ބޭރު ކޮށްދިން- -- އަހުމަދު ޝުރާއު | އަވަސް
100%
0%
0%

ގައުމީ އެއާލައިން މޯލްޑިވިއަން އިން މިދިޔަ އަހަރު 915,319 ކިލޯގެ ކާގޯ ރާއްޖެ އެތެރެ ކޮށްދީފައިވާ ކަމަށް ތަފާސް ހިސާބުތައް ދައްކައިފި އެވެ.

ނޭޝަނަލް ބިއުރޯއޮފް ސްޓެޓިސްޓިކްސް އިން ބުނީ މޯލްޑިވިއަން އިން މިދިޔަ އަހަރު 1,552 ފްލައިޓް އަޅާފައިވާ ކަމަށާއި މި ފްލައިޓް ތަކުން 83,057 މީހުން ރާއްޖެ އެތެރެވެފައިވާއިރު، ރާއްޖޭން ބޭރަށް 83,817 މީހުން ގެންގޮސް ދީފައިވާ ކަމަށެވެ.

މި އަދަދުން ބަލާނަމަ ގައުމީ އެއާލައިން އިން މިދިޔަ އަހަރުގެ ކޮންމެ މަހަކު އެވްރެޖު ގޮތެއްގައި 6000 އެއްހާ މީހުން ބޭރަށް ގެންގޮސްދީ އަދި 6،900 އެއްހާ މީހުން ރާއްޖެ ގެނެސްދީފަ އެވެ. އަދި އެއާލައިނުން އެއްވެރެޖު ގޮތެއްގައި ކޮންމެ ދުވަހަކު 230 އަށްވުރެ ގިނަ މީހުން މީހުން ރާއްޖެ ގެނެސް، ރާއްޖޭން ބޭރަށް ވަނީ ގެންގޮސްދީފަ އެވެ.

މި ހިސާބުތައް ދައްކާ ގޮތުގައި މޯލްޑިވިއަންގެ ސީޕްލޭން އާއި ޑޮމެސްޓިކް އަދި އިންޓަނޭޝަނަލް އެއްކޮށް ބަލާނަމަ އެ ކުންފުނިން މިދިޔަ އަހަރު 22,574 ފްލައިޓް އަޅާފައިވެ އެވެ. އަދި އެއާލައިން އިން މިދިޔަ އަހަރު 20,583 ކިލޯގެ ކާގޯ ވަނީ ރާއްޖޭން ބޭރަށް ގެންގޮސްދީފަ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910