ގދ. ކާޑެއްދޫ އެއާޕޯޓުގެ ފަޔާ ލޮރީއަށް އިއްޔެ ދިމާވި މައްސަލައަށް ފަހު ހިދުމަތް މެދުކެނޑިފައި އިތް އެއާޕޯޓް އަލުން އޮޕަރޭޝަނަށް ގެނެސްފި އެވެ.
ކާޑެއްދޫ އެއާޕޯޓުގެ ފަޔާ ލޮރީ ހަލާކުވެ، ދަތުރުތައް އިއްޔެ ވަނީ ވަގުތީ ގޮތުން މެދުކަނޑާލައިފަ އެވެ.
މޯލްޑިވްސް ރީޖަނަލް އެއާޕޯޓްސްގެ އިސް އޮފިޝަލަކު މިއަދު ވިދާޅުވީ ފަޔާ ލޮރީއަށް ދިމާވި ޓެކްނިކަލް މައްސަލަ ރޭގެ ވަގުތެއްގައި ހައްލު ކޮށްފައިވާ ކަމަށެވެ. އަދި އެއާޕޯޓްގެ ހުރިހާ އޮޕަރޭޝަންތައް ފުރިހަމަ ކަމާއެކު މިހާރު ހިނގައިގެންފައިވާ ކަމަށް އޭނާ ވިދާޅުވިއެވެ.
"ފަޔާ ލޮރީ އަށް ދިމާވި ޓެކްނިކަލް މައްސަލަ ހައްލުވެއްޖެ. އެއާޕޯޓުގެ ފްލައިޓް އޮޕަރޭޝަންތައް ރޭ 9:00 ޖެހި އިރުން ފެށިގެން ފަށާފައިވޭ،" އެ އޮފިޝަލް ވިދާޅުވި އެވެ.
ކާޑެއްދޫ އެއާޕޯޓަކީ ގިނަ ހުވަދު އަތޮޅަށް ގިނަ ބަޔަކު ދަތުރުކުރަން ބޭނުންކުރާ އެއް އެއާޕޯޓެވެ. އަދި މި އެއާޕޯޓުގެ ސަބަބުން ސަރަހައްދުގެ ގިނަ ރިސޯޓުތަކަށް މި އެއާޕޯޓު މެދުވެރިކޮށް ޓޫރިސްޓުން ދަތުރުކުރެ އެވެ.