އދ. އަތޮޅު ކައުންސިލުން އެ އަތޮޅު 10 ސްކޫލަކަށް ވޮޓާ ޕިޔުރިފައި ސިސްޓަމް ހަދިޔާ ކޮށްފި އެވެ.
ކައުންސިލުން ވޯޓާ ފިޔުރިފައި ސިސްޓަމް ހަދިޔާ ކޮށްފައިވަނީ އިއްޔެގެ ވަގުތެއްގަ އެވެ. އެ އަތޮޅު ކައުންސިލްގެ ރައީސް އަލީ ނަސީރް ވިދާޅުވީ، ކައުންސިލުން ވޯޓާ ޕިޔުރިފައި ސިސްޓަމް ހަދިޔާ ކޮށްފައިވަނީ ސްކޫލްތަކާއި ދަރިވަރުންނަކީ ޕްލާސްޓިކްއާ ދުރު ބައައެއްގެ ގޮތުގައި ހެދުމަށް ކަމަށެވެ.
"ސްކޫލްތަކުގައި ދަރިވަރުން ބޭނުންކުރަމުންދާ ޕްލާސްޓިކް ފުޅިތަށް މަދު ކުރުމުގެ ގޮތުން ކައުންސިލުން ސްކޫލްތަކަށް ވޯޓާ ޕިޔުރިފައި ސިސްޓަމް ހަދިޔާ ކުރީ،" ނަސީރު ވިދާޅުވި އެވެ.
ސްކޫލްތަކުގެ ފަރާތުން ވޯޓާ ޕިޔުރިފައި ސިސްޓަމްއާ ހަވާލުވެފައިވަނީ ޕްރިންސިޕަލުންނެވެ. ސްކޫލްތަކުގައި ބޭނުން ޕްލާސްޓިކް މަދުކުރުމަށް އެޑިއުކޭޝަން މިނިސްޓްރީން އިން ވެސް ދަނީ މަސައްކަތް ކުރައްވަމުންނެވެ. އެގޮތުން އެ މިނިސްޓްރީން ވަނީ ރީ- ޔޫޒަބަލް ފެންފުޅި ވެސް ސްކޫލްތަކަށް ހަދިޔާ ކޮށްފަ އެވެ.