މަޑަގަސްކަރައިން އެންމެން ހައިރާން ކޮށްލައިފި

ޔޫގެންޑާގެ މައްޗަށް 2-0 ގެ ނަތީޖާ އަކުން ކާމިޔާބު ހޯދައި، ސައްތައިން ސައްތަ ރެކޯޑަކާއެކު، މިސްރުން ގުރޫޕްގެ އެއް ވަނަ ހޯދައިފި އެވެ.

މުބާރާތުގައި މުޅިން އަލަށް ވާދަ ކުރާ މަޑަގަސްކަރައިން ވަނީ ގުރޫޕްގެ ފަހު މެޗުގައި، ނައިޖީރީގެ މައްޗަށް 2-0 ގެ ނަތީޖާ އަކުން ކާމިޔާބު ހޯދައި ގުރޫޕްގެ އެއްވަނަ ހޯދާފަ އެވެ. ނައިޖީރިއާ ބަލިކޮށް މަޑަގަސްކަރައިން ގުރޫޕްގެ އެއްވަނަ ހޯދުމުން އެ ޓީމުން ވަނީ ގިނަ ބަޔަކު ހައިރާން ކޮށްލާފަ އެވެ.

ޔޫގެންޑާ އާ ދެކޮޅަށް ކުޅުނު މިސްރުގެ ޓީމަށް ފުރަތަމަ ލަނޑު ކާމިޔާބު ކޮށްދިނީ، ފޯވަޑް މުހައްމަދު ސަލާހް އެވެ. އޭނާ ލަނޑު ޖެހީ، 36 ވަނަ މިނެޓްގަ އެވެ. މިސްރުގެ ދެ ވަނަ ލަނޑު ކާމިޔާބު ކުރީ އަހްމަދު އަލް މުހައްމަދީ އެވެ.

އެ ގުރޫޕްގައި ހިމެނޭ އަނެއް ދެ ޓީމު ކަމަށްވާ، ޑިމޮކްރެޓިކް ރިޕަބްލިކް އޮފް ކޮންގޯ އާއި ޒިމްބާބްވޭ ކުޅުނު މެޗު 4-0 ގެ ނަތިޖާއަކުން ކާމިޔާބު ކުރީ، ކޮންގޯ އެވެ. ގުރޫޕް ބީ ގައި ބުރުންޑީ އާއި ގިނީ ކުޅުނު މެޗު ގިނީ ކާމިޔާބު ކުރީ 2-0 ންނެވެ.