ލިކަމެކް ކުންފުނިން އިންތިޒާމްކޮށްގެން މާލޭގައި ބާއްވާ ނައިޓް މާކެޓުގެ ސްޓޯލް ދޫކުރަން ނިންމައިފި އެވެ.
މި ނައިޓް މާކެޓުގައި އަށް ފޫޓުގެ ޖުމްލަ 230 ސްޓޯލް ދޫކުރަން ހަމަޖެހިފައިވެ އެވެ. ސްޓޯލްތައް ވިއްކަނީ 8،000 ރުފިޔާ އަށެވެ.
ލިކަމެކް އިން ބާއްވާ މި ނައިޓް މާކެޓުގެ ސްޓޯލް ދޫކުރަން ހަމަޖެހިފައިވަނީ މާދަމާ ހެނދުނު 9:00 އިން ހަވީރު 5:00 އަށް ބްރިޖް ވިއު ޕްލެޓްފޯމްގައި އެވެ. ނައިޓް މާކެޓު އޮންނާނީ ޖުލައި މަހުގެ 26 އިން އޯގަސްޓު މަހުގެ ނިޔަލަަށް ބޮޑުތަކުރުފާނު މަގު ރަސްފަންނު ސަރަހައްދުގައި އެވެ.
ލިކަމެކް ކުންފުނިން އަންނަ އޮގަސްޓް 29 އިން ސެޕްޓެމްބަރު ހަތް ވަނަ ދުވަހުގެ ނިޔަލަށް ހުޅުމާލެ ސެންޓަރަލް ޕާކް ސަރަހައްދުގައި ވެސް ނައިޓް މާކެޓެއް ބޭއްވުމަށް އަންނަނީ ތައްޔާރުވަމުންނެވެ.