ރޭ އދ. އަތޮޅުގެ ރަށެއްގެ މޫދުގައި އުޅެނިކޮށް ގެއްލުނު އަންހެން ފަތުރުވެރިޔަކު ފުލުހުން ހޯދައިފި އެވެ.
ފުލުހުން މިއަދު ބުނި ގޮތުގައި ރޭ 8:30 ހާއިރު މޫދަށް އެރި އުޅެނިކޮށް ގެއްލުނީ 38 އަހަރުގެ ރަޝިޔާ އަންހެނެކެވެ. އޭނާ ގެއްލުނީ އދ. އަތޮޅުގެ ރަށެެއްގެ މޫދަށް އެރި އުޅެނިކޮށް ކަމަށް ފުލުހުން ބުންޏެވެ. އެ ރަށެއް ފުލުހުން ހާމައެއް ނުކުރި އެވެ.
އެ މައްސަލައާ ގުޅިގެން އެ މީހާ ހޯދަން ފުލުހުންނާއި އާންމު ބައެއް ރައްޔިތުން ކުރި މަސައްކަތުން އެ މީހާ ފެނުނީ މޫދުގައި އޮށްވާ ރޭ 2:00 ހާއިރު ކަމަށް ފުލުހުން ބުންޏެވެ. އޭނާގެ ހާލު ރަނގަޅެވެ.