ޔުވެންޓަސްގެ ފޯވަޑް ކްރިސްޓިއާނޯ ރޮނާލްޑޯގެ މައްޗަށް ކުރާ ރޭޕްގެ ތުހުމަތާ ގުޅިގެން އޭނާއަށް އަދަބު ނުދޭން ނިންމައިފި އެވެ.
އެމެރިކާގެ ލަސްވެގަސްގެ ޕޮރޮސިކިއުޓާ ބުނެފައި ވަނީ އެ މައްސަލައިގައި އެކަށީގެންވާ ހެކި ނެތުމުން ރޮނާލްޑޯގެ މައްޗަށް މައްސަލަ ސާބިތު ކުރެވޭނެ ގޮތެއް ނެތް ކަމަށެވެ.
ލަސްވެގަސްގެ މޮޑެލްއެއް ކަމަށްވާ ކެތުރީން މާޖާރުގާ ތުހުމަތު ކުރާ ގޮތުގައި ރޮނާލްޑޯ ވަނީ 2009 ވަނަ އަހަރު އޭނާއަށް ނިސްބަތްކޮށް ޖިންސީ ފުރައްސާރަކޮށްފަ އެވެ. އެކަން ހިނގާދިޔައީ ލަސްވެގަސްގެ ހޮޓަލެއްގެ ތެރޭގައި ރޮނާލްޑޯ އާއި އޭނާ އާ ދެމެދު ހިނގާދިޔަ ބަދު އަހްލާގީ އަމަލުތަކުގެ ތެރެއިން ކަމަށް ތުހުމަތުތައްކޮށްފައިވެ އެވެ.
އޭނާ ވަނީ އެ މައްސަލަ ވަކި ދައުވާއެއްގެ ގޮތުގައި ހުށާހަޅާފަ އެވެ. އަދި އެ ވާހަކަ ނުދައްކައި ހުރުމަށް ރޮނާލްޑޯގެ ފަރާތުން 3،75000 އެމެރިކާ ޑޮލަރު (5.7 މިލިއަން ރުފިޔާ) ހުށަހަޅާފައިވާ ކަމަށް ބުނެފައި ވެސް ވެއެވެ. ރޮނާލްޑޯގެ ވަކީލު ޕީޓާ ކްރިސްޓިއަންސެން އެ ވާހަކަތައް ދޮގެއް ވެސް ނުކުރެ އެވެ.