އިނގިރޭސިވިލާތުގެ ވިސާ ސެންޓަރެއް ވަގުތީ ގޮތުން ރާއްޖޭގެ ފޮރިން މިނިސްޓްރީގައި ހުޅުވައިިފި އެވެ.
ފޮރިން މިނިސްޓްރީން މިއަދު ބުނީ މި ސެންޓަރުން ވިސާ އެޕްލިކޭޝަންތައް ބަލައިގަތުމާއި މައުލޫމާތު ސާފުކުރެވޭނެ ކަމަށެވެ. މި ވިސާ ސެންޓަރު ހުޅުވާފަ ހުންނާނީ މިއަދާއި މާދަމާ ހެނދުނު 9:00 އިން ހަވީރު 5:00 އަށެވެ.
އިނގިރޭސިވިލާތުގެ ސަރުކާރުން ރާއްޖޭގައި ވިސާ ސެންޓަރެއް ގާއިމްކުރީ ދިވެހި ސަރުކާރުގެ އެދުމުގެ މަތިން އިނގިރޭސިވިލާތައް މަތީތައުލީމު ހާސިލްކުރަންދާ ދަރިވަރުންނަށް ފަސޭހަ ކަމާއެކު ވިސާގެ ހިދުމަތްތަކަށް ހުށަހެޅޭނެ އިންތިޒާމުތަކެއް ހަމަޖެއްސުމަށެވެ.