ވީޓީވީގެ ނިއުސްރޫމްގެ އެންމެ އިސްވެރިއެއްގެ ގޮތުގައި މިހާތަނަށް ހުންނެވި މަޝްހޫރު ނޫސްވެރިޔާ އަދި ލިޔުންތެރިޔާ އިމާދު ލަތީފު ވީޓީވީން ވަކިއްޖެ އެވެ.
ވީޓީވީގައި އިމާދު އަދާ ކުރައްވަމުން ގެންދެވި ވަޒީފާއިން ވަކިވާން އެދިވަޑައިގެންފައިވާކަން ހާމަ ކުރައްވާ އޭނާ ވަނީ ސޯޝަލް މީޑިއާގައި ހިއްސާކޮށްފަ އެވެ. އެ ޕޯސްޓްގައި މިމަހުގެ 22 ވަނަ ދުވަހުގެ ނިޔަލަށް ވީމީޑިއާއާއެކު އޭނާ ހަދާފައިވާ އެއްބަސްވުމުގެ މުއްދަތު ހަމަވާނެ ކަމަށެވެ. އަދި އެއަށްފަހު އެއްބަސްވުން އާ ނުކުރަން ނިންމާފައިވާ ކަމަށް ވިދާޅުވެފައި ވެ އެވެ.
ވީޓީވީން ވެސް ވަނީ އިމާދުގެ އަގު ވަޒަންކޮށް އޭނާއަށް ސިޓީއެއް ފޮނުވާފަ އެވެ. އިމާދު ވަނީ އެ ސިޓީ ވެސް ފޭސްބުކްގައި ހިއްސާ ކުރައްވާފައި ވެއެވެ. އެ ސިޓީގައި ބުނެފައިވަނީ އިމާދުގެ އެ ނިންމުމަށް އިހްތިރާމްކުރާ ކަމަށެވެ. އަދި އިމާދުގެ ފަރާތުން ލިބުނު އެހީތެރިކަމާއި އެއްބާރުލުން ފާހަގަ ކުރާ ކަމަަށެވެ.
އެގާރަ އަހަރަށްފަހު، ވީޓީވީ ދޫކޮށްލުމާއި ގުޅޭ ގޮތުން އިމާދު ވިދާޅުވީ އޭނާގެ "ހުރިހާ ވަގުތެއް ނޫސްވެރިކަމަށް ހޭދަކުރި ކުރުމަށް ނިމުން އައީ" ކަމަށެވެ. ނަމަވެސް "ނޫސްވެރިކަމުގެ ދާއިރާއާ މުޅިން ދުރަށް ނުދާނެ" ކަމަށެވެ.
ނޫސްވެރިކަމުގެ މަސައްކަތް 1992 ވަނަ އަހަރު ފެއްޓެވި އިމާދަކީ މަގުބޫލު މަޝްހޫރު މނޫސްވެރިއެކެވެ. ދުވަހު ނޫސް ހަވީރުގައި މެދުކެނޑުމެއް ނެތި 17 އަހަރު އިމާދު ވަނީ ނޫސްވެރިކަން ކުރައްވާފަ އެވެ. އަދި ވީޓީވީ އުފެދުނީއްސުރެ އެ ސްޓޭޝަންގެ ނިއުސްރޫމްގައި އެންމެ އިސް ބޭފުޅެއްގެ ގޮތުގައި ހުންނެވީ އޭނާ އެވެ.