ރައީސް މައުމޫނުގެ ވެރިކަމުގައި ޖުމްހޫރީ 30 ފާހަގަ ކުރަން ފާހަގަކުރަން ސަލްޓަން ޕާކު ކުރިމަތީގައި ބިނާކުރި ހަނދާނީ މޮނިއުމަންޓް (ޖުމްހޫރީ ބިނާ) އެތަނުން ނަގައިފި އެވެ.
ޖުމްހޫރީ ބިނާ އެތަނުން ނަގާފައި ވަނީ ރޭގަ އެވެ.
ލަފާކުރެވޭ ގޮތުން ޖުމްހޫރީ ބިނާ އެތަނުން ނަގާފައިވަނީ އިސްލާމީ މަރުކަޒުގައި ނަމާދުކުރާ ޖާގަ ބޮޑުކުރުމަށް އެސަރަޙައްދަށް ހައުސިން މިނިސްޓްރީން ގެނައި ބަދަލުތަކާއިއި ގުޅިގެން ނެވެ. ހައުސިން މިނިސްޓްރީގެ ބަހެއް ލިބޭގޮތެއް ނުވި އެވެ.
އިސްލާމީ މަރުކަޒުގައި ނަމާދުކުރާ ޖާގަ ބޮޑުކުރުމަށް އެ ސަރަޙައްދުގެ ވަށައިގެން ހުރި ބައެއް މަގުތައް ބަންދުކުރުމާއި ގުޅިގެން ހައުސިން މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު މުއިޒު ވިދާޅުވީ، އިސްލާމީ މަރުކަޒުގައި ނަމާދު ކުރާ ޖާގަ ބޮޑު ކުރުމަށް އެ މަރުކަޒާއި ސަލްޓަންޕާކު ދެމެދުގައި އޮތް މަގު ހުސްކޮށް އެތަނުގައި ހުރި ޕާކިން ޒޯނުވެސް ނަގާނެ ކަމަށެވެެ. އެހެން ނަމަވެސް ޖުމްހޫރީ ބިނާ އެތަނުން ނަގާނެ ކަމަކަށް ބައްދަލުވުމުގައި މިނިސްޓަރު ވިދާޅުވެފައެއް ނުވެއެވެ.
ރާއްޖޭގައި އޮތް ޖުމްހޫރީ ވެރިކަމުގެ ރަމްޒެއްގެ ގޮތުން ސަލްޓަން ޕާކު ކުރިމަތީގައި ހަދާފައިވާ މި ބިނާއަކީ ރާއްޖެއަށް އަންނަ ފަތުރުވެރިންގެ ސަމާލުކަންވެސް ހޯދާފައިވާ ތާރީޚީ ބިނާއެކެވެ.
ރާއްޖޭގެ ޖުމްހޫރިއްޔަތަށް 50 އަހަރު ފުރޭނީ 2018 އިގަ އެވެ.