ބަޑި ބޭސް ތަކަކާއެކު މީހަކު ހައްޔަރުކޮށްފި އެވެ.
ފުލުހުން މިރޭ ބުނީ އިއްޔެ ރޭ މެންދަމު ފަރީދީ ގޯޅިން އަދި ނައިބު ރައީސް ހުންނަވާ ހިލާލީގޭ ކައިރީގައި ހުރި މީހެއްގެ އަމަލުތައް ހުރި ގޮތުން ފުލުހުންނަށް ޝައްކުވެގެން އޭނާ ހުއްޓުވާ ބަލައި ފާސް ކުރިިއިރު، ބަޑިބޭސް ކަމަށް ޝައްކުވާ އެއްޗެހިތަކެއް އެ މީހާގެ އަތުން ފެނިފައިވާ ކަމަށެވެ.
މި މައްސަލައާއި ގުޅިގެން އެމީހާ ދިރިއުޅޭގެ ބަލާ ފާސް ކުރިއިރު ވެސް ބަޑިބޭސް ކަމަށް ޝައްކުކުރެވޭ އެއްޗެހިތަކެއް ފެނިފައިވާ ކަމަށެވެ.
އޭނާ ހައްޔަރުކޮށް ބަންދު މުއްދަތު ޖަހަން ކްރިމިނަލް ކޯޓަށް ހާޒިރުކުރުމުން ބަންދަށް ހަފުތާއެއް ދީފައި ވެއެވެ. ބަޑިބޭސް ތަކާއެކު ހައްޔަރުކޮށްފައިވަނީ އުމުރުން 37 އަހަރުގެ ދިވެހި ފިރިހެނެކެވެ. ފުލުހުން ބުނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.