ރައީސް އިބްރާހިމް މުހައްމަދު ސޯލިހުގެ އެޑްވައިޒަރަކަށް ރައްޔިތުންގެ މަޖިލީހުގެ ކުރީގެ ރައީސް މުހައްމަދު ޝިހާބު މިއަދު އައްޔަން ކުރައްވައިފި އެވެ.
މަޖިލީހުގެ ރައީސްކަމުގެ އިތުރުން ޝިހާބު ވަނީ ކުރީގެ ރައީސް މުހައްމަދު ނަޝީދުގެ ސަރުކާރުގައި ފިނޭންސް މިނިސްޓަރުގެ މަގާމު އަދާ ކުރައްވައިފަ އެވެ.
ޝިހާބުގެ އިތުރުން، ރައީސް ސޯލިހު މިއަދު ވަނީ ހޯމް މިނިސްޓްރީގެ ސްޓޭޓް މިނިސްޓަރުގެ މަގާމަށް މުހައްމަދު މާހިރު އީސާ އައްޔަން ކުރައްވައިފަ އެވެ.
މާހިރަކީ ހޯމް މިނިސްޓަރުގެ ނައިބުގެ މަގާމާއި ޅ. އަތޮޅު ކައުންސިލަރުގެ މަގާމު ވެސް އަދާކުރައްވާފައިވާ ބޭފުޅެކެވެ.
މި ސަރުކާރުގެ ސިޔާސީ މަގާމުތަކުގެ އަދަދު ވަނީ 340 އަށް ވުރެ މަތިވެފަ އެވެ.
ރައީސް ސޯލިހު ކުރިން ވިދާޅުވެފައިވަނީ، ކުރީ ސަރުކާރުގެ ސިޔާސީ މަގާމުތަކަށް ވުރެ މި ސަރުކާރުގެ ސިޔާސީ މަގާމުތަށް އިތުރު ނުވާނެ ކަމަށެވެ.
ކުރީ ސަރުކާރުގެ ސިޔާސީ މަގާމުތަކުގެ އަދަދު 400 ވުރެ މައްޗަށް އަރަ އެވެ.