އެންޑީއެން އުވާލަން 110 ކައުންސިލަކުން ގޮވާލައިފި

އެމްޑީއެން އިން ނެރުނު ރިޕޯޓްގައި އިސްލާމްދީނާ މާތް ރަސޫލާއަށް ވަރަށް ބޮޑަށް ފުރައްސާރަ ކޮށްފައިވާތީ އެ ރިޕޯޓް ކުށްވެރިކޮށް، އެމްޑީއެންއާ މެދު ފިޔަވަޅު އެޅުމަށް ގޮވާލި ކައުންސިލްތަކުގެ އަދަދު 110 ކަށް އަރައިފި އެވެ.

"ޕްރިލިމިނަރީ އެސެސްމެންޓް އޮފް ރެޑިކަލައިޒޭޝަން އިން މޯލްޑިވްސް" އެ ނަމުގައި އެންޑީއެމުން ނެރެފައިވާ ރިޕޯޓްގައި އިސްލާމްދީނުގެ އަސްލުތަކާއި ފުށުއަރާ، އަދި އިސްލާމްދީނާއި ރަސޫލާއަށް ފުރައްސާރަ ކޮށް އެތައް ވާހަކަތަކެއް ވަނީ ހިމަނާފަ އެވެ.

ކައުންސިލްތަކުން ނެރުނު ބަޔާންތަކުގައި ވަނީ އެމްޑީއެންގެ ރިޕޯޓް ވަރަށް ބޮޑަށް ކުށްވެރިކޮށްފަ އެވެ. އަދި އެ މައްސަލައާއި ގުޅިގެން އެ ޖަމިއްޔާއަށް ހަރުކަށި ފިޔަވަޅު އެޅުމަށާ ޖަމިއްޔާ އުވާލުމަށް ވެސް ކައުންސިލްތަކުން ވަނީ ގޮވާލާފަ އެވެ.

އަދި ރާއްޖޭގައި އިސްލާމްދީން ނޫން އެހެން އެއްވެސް ދީނަކަށް ފުރުސަތު ނެތްކަން އަމަލާ ބަހުން ދެެއްކުމަށް ވެސް ސަރުކާރަށް ވަނީ ގޮވާލާފަ އެވެ.

އެމްޑީއެން ކުށްވެރި ކުރި ކައުންސިލްތައް

މީގެ އިތުރުން އައްޑޫ ސިޓީ މީދޫ ކައުންސިލަރާއި، ސ. ހުޅުދޫ ކައުންސިލަރު ވެސް ވަނީ އެމްޑީއެންގެ ރިޕޯޓް ކުށްވެރިކޮށް ބަޔާނެއް ނެރެފަ އެވެ. އަދި ރ. ހުޅުދުއްފާރުގައި ކައުންސިލުން އިންތިޒާމު ކޮށްގެން އެ ރަށުގައި ބޮޑު މުޒާހަރާއެއް ބާއްވާފައިވާއިރު ހއ. މުރައިދޫ ކައުންސިލުން ވަނީ އެމްޑީއެންއާ މެދު ފިޔަވަޅު އެޅުމަށް ގޮވާލާ ރައީސަށް ސިޓީއެއް ފޮނުވާފަ އެވެ.