ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް އައްޔަން ކުރައްވާ ހަތް ބޭފުޅުންގެ ނަން ރައްޔިތުންގެ މަޖިލީހަށް މިއަދު ފޮނުއްވައިފި އެވެ.
ރައީސް އޮފީހުން ބުނީ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް އައްޔަން ކުރެއްވުމަށް ރައްޔިތުންގެ މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ހަތް ބޭފުޅެއްގެ ނަން ފޮނުވާފައިވާ ކަމަށެވެ. މިއީ އަލުން އެ ބޯޑް އެކުލަވާލުމަށް ރައީސް ފޮނުއްވެވި ނަންތަކެކެވެ.
ޕީސީބީގެ ބޯޑަށް ރައީސް ފޮނުއްވެވި ނަންތައް
- ހަސަން ވަހީދު، ކުދިމާގެ، ގދ. ތިނަދޫ
- އާސިމް މުހައްމަދު، ގ. މެޒަރިން
- އާއިޝަތު ޝާޒުލީ، މ. ސެވޯއީ
- ރުޝާހާ އަހްމަދު ޝަރީފް، ހ. އޮއިސިސްވިޔޫ
- އަލީ ޝަފީއު، މ. ހުދުކަނީރުގެ
- އަލީ ޝުޖާއު، ފަހަލަ، ޅ. ހިންނަވަރު
- އަހްމަދު ޝަރީފް ޔޫސުފް، މ. ސަތާވަރީގެ
ޕްރައިވަޓައިޒޭޝަން ބޯޑަކީ ޕްރައިވަޓައިޒޭޝަން އެންޑް ކޯޕަރޭޝަން ގާނޫނުގެ ދަށުން އުފައްދާފައިވާ ހަތް މެންބަރުންގެ މައްޗަށް އެކުލެވޭ ބޯޑެކެވެ. ބޯޑުގެ ރައީސާއި ނައިބު ރައީސްވެސް މަޖިލީހުގެ ރުހުމާއެކު އައްޔަނު ކުރަނީ ރައީސުލްޖުމްހޫރިއްޔާއެވެ.