ދުވަސްވީ މީހަކު ގެއްލިގެން ހޯދަން ފަށައިފި އެވެ.
ފުލުހުން ބުނީ އދ. މަންދޫގައި 83 އަހަރުގެ ފިރިހެނެއް ގެއްލިގެން ފުލުހުންނަށް ހުށައަޅާފައިވާ ކަމަށެވެ. އޭނާ އެންމެ ފަހުން ފެނިފައިވަނީ މިރޭގެ އިޝާ ނަމާދުގެ ކުރިން ކަމަށާ ފުލުހުންނަށް އެކަން ރިޕޯޓް ކޮށްފައިވަނީ މިރޭ 21:35 އެހާކަންހާއިރު ކަމަށެވެ.
"މި މައުލޫމާތު ލިބުމާއެކު ފުލުހުންގެ ޓީމެއް އދ. މަންދޫއަށް ގޮސް އެ މީހާ ހޯދުމުގެ މަސައްކަތް ވަނީ ފަށާފައި." ފުލުހުން ބުނެފައިވެއެވެ.
ފުލުހުން ބުނީ އެމީހާ އެންމެ ފަހުން ފެނުނުއިރު ހުރީ މުންޑެއް އެކަނި ލައިގެން ކަމަށެވެ.