މިދިޔަ ބުރާސްފަތި ދުވަހު ރާއްޖޭގެ އިގްތިސޯދީ ސަރަހައްދުގައި ގަވާއިދާ ހިލާފަށް މަސްވެރިކަން ކުރަމުން ދަނިކޮށް އަތުލައިގަތް ސްރިލަންކާގެ ހަތް މަސް ބޯޓު ރޭ ފަތިހު ހުޅުމާލޭ ބަނދަރަށް ގެންގޮސްފި އެވެ.
ރާއްހޭގެ އިގްތިސޯދީ ސަރަހައްދުގައި ގަވާއިދާ ހިލާފަށް މި ބޯޓުތަށް އުޅެމުންދާ ކަމުގެ މައުލޫމާތު ސިފައިންނަށް ލިބިފައިވަނީ މި ދިޔަ ހަފްތާގެ ބުދަ ދުވަހު އެވެ. އަދި އެއާއެކު ބޯޓުތަށް އަތުލައި ގަތުމަށް ކޯސްޓުގާޑުން ވަނީ ހާއްސަ އޮޕަރޭޝަނެއް ކުރިއަށް ގެންގޮސްފަ އެވެ. ބޯޓުތަށް އަތުލައިގަތީ އެ އޮޕަރޭޝަންގަ އެވެ.
ކޯސްޓްގާޑުން، މި ބޯޓުތައް ހިފަަހައްޓާފައި ވަނީ މާލޭގެ އިރުން 175 ނޯޓިކަލް މޭލު ބޭރުންނެވެ. އަދި މި ބޯޓުތަކުގެ ތެރެއިން ދެބޯޓެއް ހިފަހައްޓާފައި ވަނީ ދާ އަޅައިގެން މަސްވެރިކަން ކުރަމުން ދަނިކޮށް ކަމަށް އެމްއެންޑީއެފްއިން ވަނީ ބުނެފަ އެވެ.
މީގެ ކުރިންވެސް ވަރަށް ގިނައިން ސްރީ ލަންކާ އަދި އިންޑިއާގެ މަސްވެރި އުޅަދުތައް މިގޮތަށް ވަނީ އަތުލައިގެންފަ އެވެ.
