ތައިލެންޑުގެ ވެރިރަށް ބެންކޮކުގައި ހިނގި ނުރައްކާތެރި އެކްސިޑެންޓެއްގައި ދިވެއްސަކަށް ސީރިއަސް އަނިޔާތަކެއްލިބި ފަރުވާ ދޭން ފަށައިފި އެވެ.
މައުލޫމާތު ލިބިފައިވާ ގޮތުގައި، އެކްސިޑެންޓް ހިނގީ ރޭ ފަތިހު އެއާޕޯޓުން، އެ މީހުން ތިބޭ ހޮޓަލަށް ދިޔަ މަގުމަތީގައި ކަމަށެވެ. ޒަހަމްވި ފިރިހެން މީހާއަށް ބެންކޮކްގެ ރަމަތިބޮޑި ހޮސްޕިޓަލުގައި ފަރުވާ ދެމުން އަންނަ ކަމަށް ފޮރިން މިނިސްޓްރީން ބުންޏެވެ.
އަވަސް އަށް އެނގިފައިވާ ގޮތުގައި، އެކްސިޑެންޓް ހިނގި ވަގުތު އެ ކާރުގައި ތިބީ ތިން ދިވެހިންނެވެ. ނަމަވެސް، އަނެއް ދެ މީހުނަށް އެ އެކްސިޑެންޓްގައި އަނިޔާއެއް ލިބިފައިނުވާކަމަށްވެ އެވެ.
އަނިޔާވި މީހާ މިހާރުވެސް އޮޕަރޭޝަނެއް ކުރުމަށް ތިއޭޓަރަށް ވައްދާފައިވާއިރު، އޭނާގެ މީހާގެ ބޮލަށާއި މައިބަދައަށް ވަރަށް ބޮޑަށް އަނިޔާވެފައިވާ ކަމަށް މައުލޫމާތު ލިބިފައިވެ އެވެ.