ވެލާ ޕްރައިވެޓް އައިލެންޑް ރިސޯޓުން ރާއްޖޭގެ އަމިއްލަ ތިން ޖަމިއްޔާއަކަށް ފައިސާގެ އެހީ ވެދީފި އެވެ.
މިއަދު މާލޭގެ ސީހައުސްގައި ބޭއްވި ރަސްމިއްޔާތެއްގައި ވެލާއިން ފައިސާގެ އެހީ ދީފައިވަނީ ކެއާ ސޮސައިޓީ އަށާއި، ތެލަސީމިއާ ސޮސައިޓީ އަށާއި ކެންސާ ސޮސައިޓީ އަށެވެ.
ނ. އަތޮޅުގައި އޮންނަ ވެލާ ޕްރައިވެޓް އައިލެންޑް ރިސޯޓުން ބުނީ މި އެހީތެރިކަން ދިނީ އެ ރިސޯޓުގެ ފަސްވަނަ އަހަރީ ދުވަހާ ގުޅުވައިގެން ކަމަށެވެ. އެއިން ކޮންމެ ޖަމިއްޔާއަކަށް 250،000 ރުފިޔާ ދިނެވެ.
މި ރަސްނމިއްޔާތުގައި ޖެނެރަލް މެނޭޖަރު މައިކަލް ސްމެޖޭ ވިދާޅުވީ ތިން ޖަމިއްޔާއަށް ދޭން ނިންމީ އެ ޖަމިއްޔާތަކަކީ މުޖުތަމައަށް ފައިދާވާ ކަންކަން ކޮށްދޭ ޖަމިއްޔާތަކަކަށްވާތީ ކަމަށެވެ.