ގިނަ އަދަދެއްގެ މަސްތުވާތަކެއްޗާއެކު ތިން މީހަކު ހައްޔަރުކޮށްފި އެވެ.
ފުލުހުން ބުނީ ޑްރަގް އެންފޯސްމަންޓް ޑިޕާޓްމަންޓުން ހިންގި އޮޕަރޭޝަނެއްގައި ކޯޓް އަމުރެއްގެ ދަށުން ހުޅުމާލޭގެ ދެ ގެއަކާއި ދެ ފްލެޓެއް ބަލާ ފާސްކޮށްފައިވާ ކަމަށާ އެ ތަންތަނުން ގިނަ އަދަދެއްގެ މަސްތުވާތަކެތި ފުލުހުންގެ ބެލުމުގެ ދަށައް ގެނެސްފައިވާ ކަމަށެވެ.
އެގޮތުން މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި 24 ސެލޯފިންކޮޅާއި، 16 ފިލްމް ހުސްކުރި ދަޅުގެ އިތުރުން ބޮޑު ދެ ރަބަރު ޕެކްޓް ފެނިފައިވާ ކަމަށެވެ.
މި މައްސަލައާއި ގުޅިގެން މިހާތަނަށް ވަނީ ތިން މީހަކު ހައްޔަރުކޮށްފައެވެ. އެއީ ދެ ދިވެހިންނާއި ބިދޭސީ އެކެވެ.
ފުލުހުން ބުނީ ހައްޔަރުކޮށްފައިވަނީ 27 އަަހަރާއި 23 އަހަރުގެ ދެ ދިވެހިންނާއި، 26 އަހަރުގެ ބިދޭސީ ފިރިހެނެއް ކަމަށެވެ.