ޑރ. މުހައްމަދު މުއިއްޒު

މާލޭގެ މަސައްކަތު މީހާ ކިޔަސް ވަރިހަމަ: މުއިއްޒު

މާލޭގެ މޭޔަރު ކަަމަށް އިދިކޮޅުން ވާދަކުރައްވާ ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު -- ފޮޓޯ: އަވަސް
57.1%
0%
42.9%

ވަކި ނަމެއް ބޭނުންފުޅު ނުވާ ކަމަށާ މޭޔަރުގެ ބަދަލުގައި މާލޭގެ މަސައްކަތު މީހާގެ ގޮތުގައި ނިސްބަތް ކުރި ނަމަވެސް ރައްޔިތުންނަށް ހިދުމަތް ކުރުމަށް ތައްޔާރަށް ހުންނެވި ކަމަށް ކުރިއަށް އޮތް ކައުންސިލް އިންތިހާބުގައި މާލޭގެ މޭޔަރު ކަަމަށް އިދިކޮޅުން ވާދަ ކުރައްވާ ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

މުއިއްޒު މިހެން ވިދާޅުވީ މިރޭ "ޗެނަލް13" އިން ގެނެސްދިން ޕްރޮގްރާމެއްގައި ބައިވެރިވެ ވަޑައިގެން ވާހަކަފުޅު ދައްކަވަމުންނެވެ.

ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް ހުށައަޅާފައިވާ އިސްލާހުގެ ސަބަބުން މޭޔަރު އަދި ޑެޕިއުޓީ މޭޔަރުގެ ނަން ބޭނުން ނުކުރެވޭނެ ކަމަށް ބައެއް މެންބަރުން ދަނީ ވިދާޅުވަމުންނެވެ. އަދި އެމްޑީޕީން މިފަދަ އިސްލާހެއް ހުށައަޅާފައިވަނީ ކުރިއަށް އޮތް ކައުންސިލް އިންތިހާބުގައި ސިޓީތަކުން އެމްޑީޕީއަށް ނާކާމިޔާބު ވެދާނެ ކަމުގެ ބިރަށް ކަމަށް ވެސް އެ މެންބަރުން ވަނީ ވިދާޅުވެފަ އެވެ.

އެކަމާ ގުޅޭގޮތުން ވާހަކަ ދައްކަވަމުން މުއިއްޒު ވިދާޅުވީ މޭޔަރުގެ ނަން ކިޔުން ހުއްޓުވަން އެމްޑީޕީން މަސައްކަތް ފެށީ ކޮން ބޭނުމެއްގައިކަން ވިސްނިވަޑައި ނުގަންނަވާ ކަމަށެވެ. ނަމަވެސް އެމަނިކުފާނަކީ ވަކި ނަމެއް ބޭނުން ވެގެން އުޅުއްވާ ބޭފުޅެއް ނޫން ކަމަށާ މަގާމުގެ ނަމަކީ މުހިންމު ކަމެއް ނޫން ކަމަށެވެ.

މުއިއްޒު ވިދާޅުވީ މުހިންމީ ރައްޔިތުންނަށް ކޮށްދޭންޖެހޭ ކަންތައްތައް ކަމަށާ އެމަނިކުފާނު ހުންނެވީ އެ މަސައްކަތްތައް ކޮށްދެއްވައި މާލޭގެ ރައްޔިތުންގެ ހުވަފެންތައް ހަގީގަތަކަށް ހަދައިދިނުމަށް ތައްްޔާރަށް ކަމަށެވެ.

"އަޅުގަނޑު ދަންނާލަން ބޭނުންވަނީ މާލޭގެ މޭޔަރު ކިޔަން ބޭނުން ނޫންނަމަ މާލޭގެ މަސައްކަތު މީހާ ކިޔަސް އެެންމެ ރަނގަޅޭ. އަޅުގަނޑު މިހުރީ ރައްޔިތުންނަށް ހިދުމަތް ކުރުމުގެ ވަރުގަދަ އަޒުމެއްގައޭ ނިކުމެ، އަޅުގަނޑަށް މި މަގާމު، މި ފުރުސަތު ރައްޔިތުން އިތުބާރު ކުރައްވާފަ ދެއްވައިފިނަމަ ރައްޔިތުން އަޅުގަނޑަށް ކުރާ އިތުބާރު ފުރިހަމައަށް އަދާ ކޮށްދެވޭނެ ކަމުގެ ފުރިހަމަ ޔަގީންކަން ދެމޭ،" މުއިއްޒު ވިދާޅުވިއެވެ.

މުއިއްޒު ވިދާޅުވީ ރައްޔިތުންނަށް ހިދުމަތް ކުރުމަށް ނުކުމެ ހުންނެވީ ފަހަތަށް ޖެހިވަޑައިގަންނަވާ ގޮތަށް ނޫން ކަަމަށެވެ. އަދި މާލޭ ރައްޔިތުންގެ ހާލަތު ވަރަށް ގާތުން ފެނި ވަޑައިގެންފައިވާ ކަމަށާ މިދިޔަ އަހަރުތަކުގައި ކުރެވުނު މަސައްކަތްތަކުގެ އަލީގައި ރައްޔިތުންނަށް އިތުރަށް ހިދުމަތް ކޮށްދެއްވާ އެ ރައްޔިތުންގެ އުންމީދުތައް ފުރިހަމަ ކޮށްދިނުމަށް ބޭނުންފުޅުވެ ވަޑައިގަންނަވާ ކަމަށެވެ.

14 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ބުރާންތި

އާރާ ބާރު އޮތް ދުވަހު ސިޓީ ކައުންސިލްގެ ބާރު ކަނޑުވާލާފަ މިއަދު ސިޓީ ކައިންސިލްގެ ރައީސް ކަމައް ލަދު ކޮބާ!

ވަސް

ލަދެއްހަޔާތެއް ނެތީބާ... ކުރިން މުޅި މާލޭ ހޮޅި އަޅާ އެ ހޮޅި ބޭނުން ކުރަން މަޖޫބުރުކޮއް އެތައް ރައްޔިތުންނަކައް މަގުހިގަން އުދަގޫކުރި. އެވަރުގެ ގަމާރަކައް މޭޔަރުކަން ދީފިނަމަ ހޮޅިންނައް ހަދާލާނެ

ޖައިޝަމް

މަސައްކަތު މީހަކަށްވެސް ކަމުދާ މީހެއްނޫން. މަގޭވޯޓެއް ނުދޭނަން މުއިއްޒުއަކަށް. ޝުކުރިއްޔާ.

ސިކުނޑި

މަސައްކަތު މީހަކަށް ލިޔަސް ކަލޭ ކުރާނީ ބަނޑޭރިކަން!! އެއީވިއްޔަ ކުރަން އިނގޭ ކަމަކީ

މޭން

މުއިޒް އިޒްދަބެސްޓް ކެނިޑޭޓް ޓު ޑޫ ދިސްދަބެސްޓް..މައިވޯޓް ޑެފެނެޓްލީ ގިވްޓުޔޫ.

މުއިންދޭ

ވަށަފަރު އުނބޫ

އުއިގުޅާ

ފަލަސުރުޚީ ހޯދަން ހާދަވަރެކޭ ތިކުރުއްވަނީ. ތިޔަށް އަހަރުންކިޔާނީ ނުސީދާ ކެންޕޭނު. ކިތަންމެވަރަކަށް ކެންޕޭނުޖެއްސިޔަސް، މަގޭވޯޓެއް މުޢިއްޒުއަކަށް ނުދޭނަން. ތަތިހުރީ މުޢިއްޒު ވެފަ!

ހާފްވޭ

މަނިކުފާނަކީ ކިޔަވައިގެންހުރި ސިކުނޑި ހަމަޖެހޭ މީހެއްނަމަ، ކުރިކަންތަކާއި ނެރެވުނު ނަތީޖާއަށް ބަލާފަ، މިކަހަލަ ވަގުތެއްގައި ސެންޓަރ ސްޓޭޖު ލިބޭތޯއެއް ނޫޅޭނެއެވެ. ވަގުތު ޖެހެންދެން ފަސްޖެހިލާނީއެވެ. މަނިކުފާނު ކުރައްވަ ންފެއްޓެވި މަސައްކަތްތަކާއި، ކުރެވުނުގޮތާއި، ނެރެދެވުނު ނަތީޖާއަކީ ނޫސްތަކުގެ ޒަރިއްޔާއިން ވަނަވަރު އެނގެންހުރި ކަންތަކެވެ. މަޝްހޫރު "މުޢިއްްޒުވުން" އުފެދުނީ ތި މުޢިއްޒުގެ ކަންތަކާހެދިއެވެ. ކޮށްފިކަމެއް ދެވަނަފަހަރަށް ކުރަންނުޖެހޭ މަދުކަމެއް ނެތެކޭ ނުބުނާނަމެވެ. އެކަމަކު ޖުމްލަގޮތެއްގައި ކުރި ކަންތައް ތަކުގެތެރޭގައި ރައްޔިތުންގެ މާލިއްޔަތުން ޚަރަދު ކުރަންޖެހިފައި ނުވާނީ މަދުކަމެކެވެ. އެކަންއެހެންވާން ދިމާވަނީ އޯޑަރެއް އައިސްގެން ނޫންކަމެއް، ނޫނީ މަނިކުފާނުގެ ދޯހަޅި ކަމުންނޫންކަމެއް ބުނެދޭކަށް ނޭނގެއެވެ. އެކަމަކު ގިނަކަންތައްތަކަކީ، އެންމެންދަންނަ "މުޢިއްޒުވީމައި" ދެފަހަރަށް ކުރަންޖެހޭ، ދެފަހަރަށް ޚަރަދުހިނގާ ކަންތަކެވެ! ޢުމަރު ޒާހިރު ހެދެން އުޅުއްވާނެކަމެއްނެތް! އެވަރެއްނުވާނެ!

ކާސިމްބެ

ޚުރިމަތިލާ. ކާކުތަ މުއިއްޒު ކުރިމަތިލިޔަ ނުދޭންއުޅެނީ އަމިއްލައަށް ބޮޑޭވާންވެގެން ހަދަހަދައިގެން ވާހަކަދަެްކަނީ. ތިހިރީ ވަޒީރުބަލި ޖެހިފަ.

އަލަފް

މީހުން ކިޔާފާނެ އެއްޗަކަށް ނުބަލަ ކެތްތެރިވީމަ ކާމިޔާބުވާނެ.

April
SunMonTueWedThuFriSat
303112345678910111213141516171819202122232425262728293012345678910