ދިވެހިރާއްޖެ ސިއްހީ ކުއްލި ނުރައްކަލުގެ ހާލަތުގައި
NUMBER OF CASES
ހަބަރު

ކޮވިޑަށްފަހު ކޮޅަށްޖަހާނީ ދިވެހިންގެ ޓޫރިޒަމެއް: އަލީ ވަހީދު

May 11, 2020
5
ރިސޯޓަކުން މުވައްޒަފުން ފުރަން ތައްޔާރުވެ އެ ރިސޯޓުގެ ޖެޓީގައި: ބައެއް މުވައްޒަފުން ރަށަށް ފޮނުވާލާފައިވަނީ ނޯޕޭގައި-- ފޮޓޯ: އަވަސް ކިއުންތެރިއެއް
50%
50%
0%

ކޮވިޑް-19 ބަލި ފެތުރުން ކޮންޓްރޯލް ކުރެވި، ޓޫރިޒަމް އަލުން ހުޅުވާލާއިރު، އެ ސިނާއަތުގައި ވަޒީފާ އަދާކުރާ ދިވެހިންގެ ނިސްބަތް އިތުރުކުރަން ސަރުކާރަށް ލިބޭ ރަނުގެ ފުރުސަތެއްކަމަށާއި، މި ބަލިމަޑުކަމަށް ކޮޅަށްޖަހާނީ ދިވެހީންގެ ޓޫރިޒަމެއްކަމަށް ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެ އެވެ.

އެންއީއޯސީގައި މިއަދު ހޯމް މިނިސްޓަރު އިމްރާން އަބްދުﷲ އާ ގުޅިގެން ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން އަލީ ވަހީދު ވިދާޅުވީ، ރިސޯޓުތަކުގައި އެންމެ މަތީ ފަންތީގެ މަގާމުތަކުގައި ދިވެހިން ތިބެވޭނެ ގޮތަކަށް ޓޫރިޒަމް މާސްޓާ ޕްލޭންގެ ދަށުން ސަރުކާރުން އައީ މަސައްކަތް ކުރަމުން ކަމަށެވެ.

ނަމަވެސް، ކޮވިޑް-19 އިގެ ސަބަބުން މުޅި ސިނާއަތް އެކީގައި ހުއްޓި، އާ ފެށުމަކުން ފަށަންޖެހިފައިވާއިރު އެ ޕްލޭން ތަންފީޒުކުރަން މިއީ އެންމެ ރަނގަޅު ދަނޑިވަޅުކަމަށް ގަބޫލުކުރައްވާކަމަށް މިނިސްޓަރު ވިދާޅުވި އެވެ.

"މިކަމާއެކު ގިނަ ރިސޯޓުތައް ހުއްޓި، ބިދޭސީ ގިނަ މުވައްޒަފުންވެސް އެވަނީ އެނބުރި ގޮސްފައި. އެހެންވީމާ، އަޅުގަނޑަށް ގަބޫލުކުރެވޭ ގޮތުގައި މިއީ ޓޫރިޒަމުގައި ދިވެހިންގެ ނިސްބަތް އިތުރުކުރަންވީ އެންމެ ރަނގަޅު ވަގުތޭ. އެކަމަށް ޓޫރިޒަމް އިންޑަސްޓްރީގެ ބޭފުޅުންނާ މަޝްވަރާކުރެވި، އެކަމަށް އަޅުގަނޑުމެން ލޮބީވެސް ކުރާނަން، ވަކާލާތުވެސް ކުރާނަން، އަދި މަސައްކަތްވެސް ކުރާނަން،" އަލީ ވަހީދު ވިދާޅުވި އެވެ.

މިއަދުގެ ނޫސްވެރިންގެ ބައްދަލުވުމުގައި ޓޫރިޒަމް މިނިސްޓަރު އަލީ ވަހީދު މައުލޫމާތު ދެއްވަނީ. -- ފޮޓޯ: ރައީސް އޮފީސް

މިނިސްޓަރު ވިދާޅުވި ގޮތުގައި، ބޭރުގެ ބައެއް މާހިރުންނާއި އެހެން ގައުމުތަކުގެ ތަޖުރިބާތަކަށް ވެސް ބަލައިގެން، ޓޫރިޒަމަށް އަލުން ހުޅުވާލާއިރު އަމަލު ކުރާނެ އުސޫލެއް ކަރުދާހަށް ތިރިކޮށް ރައީސް އޮފީހަށް ފޮނުވިފައި ވާނެ ކަމަށެވެ. އަދި އޭގެ ފަހުން، އެ ޕްލޭން ޓޫރިޒަމް ސިނާއަތުގެ އިސް ބޭފުޅުންގެ މަޝްވަރާ ހޯއްދަވާނެ ކަމަށް ވެސް ވިދާޅުވި އެވެ.

"މި ދެންނެވި އުސޫލުން ޖުލައި މަހު ޓޫރިޒަމް ހުޅުވާލެވޭނެ ކަމަށް އަންދާޒާ ކުރެވެނީ. އަދި މޮޑަރޭޓް ސެނާރިއޯގައި އޮކްޓޯބަރު މަހަށް ދެމިގެން ދާނެ ކަމަށް މި ބަލަނީ،" އަލީ ވަހީދު ވިދާޅުވި އެވެ.

އެ ތާރީހު ބަދަލުވެގެން ހިނގައިދާނެކަން ފާހަގަކުރައްވަމުން، އަލީ ވަހީދު ވިދާޅުވީ އެއާޕޯޓު އަލުން ހުޅުވާލެވި، ރާއްޖެއަށް އަންނަ ފުރަތަމަ ޓޫރިސްޓާއެކު މި އިންޑަސްޓްރީއަށް ހާއްސަ އެޕް ލޯންކުރެވިގެންދާނެ ކަމަށެވެ.

އެއާއެކު، ރިސޯޓުތަކުގައި ހުރި ދާއިމީ އަދި ވަގުތީ ވަޒީފާގެ ފުރުސަތުތައްވެސް އެ އެޕްގައި ހިމެނިފައިވާނެކަމަށް މިނިސްޓަރު ވިދާޅުވި އެވެ.

"މި އެޕް ވާނެ ގޭމް ޗޭންޖާއަކަށް. އެ އެޕްގައި ފޮޓޯގްރާފަރުންނާއި މިއުޒީޝަނުން ފަދަ ބޭފުޅުންނަށް ރިސޯޓުތަކުގައި ހުރި ފުރުސަތުތައްވެސް ފެންނާން ހުންނާނެ. އެ އެފްގެ ސަބަބުން ދިވެހީންނަށް އިތުރު ފުރުސަތުތަކެއް ހުޅުވިގެންދާނެ،" އަލީ ވަހީދު ވިދާޅުވި އެވެ.

ޓުރިޒަމާއެކު ރާއްޖޭގެ އިގުތިސޯދު ވަޅުޖެހިފައިވާއިރު، ޓޫރިސްޓުންނަށް އަލުން ރާއްޖެ ހުޅުވާލާނީ ވިޔަފާރިވެރިންނަށްޓަކައި ނޫން ކަމަށާއި، އެކަން ކުރާނީ ރައްޔިތުންނަށްޓަކައި ކަމަށް މިނިސްޓަރު ވިދާޅުވި އެވެ.

5 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ލާބަ

ތީ ހުސް ވާހަކަ!ތި މީހުންނެއް ރައްޔިތުން ނަށްޓަކާ އެއްވެސް ކަމެއް ނުކުރާނެ! ތި ތިބެނީ ރަގަޅަށް 80 ގެ ހިންދީ ފިލްމު ތައް ބަލާފަ އެ ފޯރމުލާ މެނިފެސްޓް ކޮށްގެން! ހިންދީ 80 ގެ ނުވަތަ 70 ގެ ނުވަތަ 90 ގެ ފިލްމް ތަކުގަ ސިޔާސީ މީހުންނަކީ ނުބައި ބައެއް! ރައްޔިތުންނަށް ލަޑު ދޭ އަދި އެހެނިހެން ވިޔަފާރި ވެރިންނާ ގުޅިގެން ނުބައި ރޯލް ކުޅެ ރައްޔިތުން ބިކަ ކުރޭ ދެން ފިލްމު ގެ ބަތަލު އެކަންތައް ތައް ހައްލު ކުރަން އުޅޭ ދެން އެ ބަތަލު މީހާ ޖަލަށް ލައްވާލާނެ ދޮގު ތުހުމަތެއްގަ ނުބައި ފުލުހަކާ ވަކީލެއް ބޭނުން ކޮށްގެން! މި ހިންދީ ކުރީގެ ފިލްމް ތަކުގެ ފޯރމުލާ ރަްޔިތުންނަށް އޯގާތެރި ގައުމު ތަކުގަ ބޭނުނމެއް ނުކުރޭ! އަދި މިހާރުގެ ހިންދީ ފިލްމު ތަކުގަ ވެސް ވ މަދު

ސައީދު

ނިކަން މޮޅު ވާހަކަދައްކައި ބޮޑުކށި ބިންނާތި! ރައްޔިތުންނަށްޓަކައޭ ރައްޔިތުންނަށްޓަކައޭ ކިޔާއިރު ކިއްލި ލާރިން ޢިމާރާތްތަކާއި ބިންގަންނަނީ ވެސް ރައްޔިތުންނަށްޓަކާތަ؟

ކޮކްޓޭލް އަލ

އެއީ ކޮންތާކުންގެންނަ ދިވެހިންނެއްތޯ ކުއްލިޔަކައް ރޯގާފިލާއިރައް މިްުޅެނީ ނަރުހަކުވެސް ނުލިބިގެން ކީްކުރަންތޯ މަހައްފަރައް އެންމެ ކުޑަމިނުން މަސައްކަތެއްކޮއްލާނެ ދިވެއްސަކުވެސް ނެތް މިއަދު މިގައުމުގެ ބޮޑު މުސީބާތަކައް ވެގެން މިއުޅޭ ބިދޭންސީ މިވަރައް މިއޮތީ މިގައުމުގައި ދޭތެރެ ދުރުކުރިކުރީނުން 3 ޖީލު ނައްތާލުމުގެ ހިތިނަތީޖާ އެއޮއްކިޔަނީ ސިޔަރަތުގަވެސް ފަގީރު ވެދާނެކަމައް ހީކޮއް ދަރިން ނުމަރާށޭ އެކުދިންނައްވެސް ތިޔަބައިމީހޮންނައްވެސް ރިޒިގް ދެއްވަނީ ތިމަން ސުވާމީންގެޔޭ މާތް ﷲ އެވެ މިކަން އަހަރުމެންނައް ކާބަފައިން ވަނީ ތެދުކޮއްދީފައި އެއޮއްތަދުޒަމާނުގަވެސް ވަޒީފާއެއް އެއްކަމެއް ނެއްއިރުވެސް 8 ކުދިން 10 ކުދިން ބަލާ ބޮޑެތިކޮއްފައިމިޔޮތީ މީ ހަގީގަތަކީ ސުންނަތއް ގޮންގަހާފައި ތިމާމެން ނަކީ މާމޮޅުބަޔެއް ކަމއް ހީކުރުމުގެ ހިތިނަތީޖާ

ސމަންމ

ކޮވިޑައްފަހު ޓޫރިޒަމް ޖެހޭނީ ކަފުން ކުރަން.. ރާއްޖޭގެ މިހާރު މިއޮތް ޓޫރިޒަމާއި އަދި ޓޫރިޒަމައްކޮއްފަ ހުރި އޯވާ އިންވެސްޓްމަންޓު ރިކާވާއެއްވެސް ނުވާނެ.. ކޮވިޑުގެ ކުރީން ރާއްޖެ ޒިޔާރަތްކުރަމުން އައި ޓޫރިސްޓުންގެ އަދަދުގެ ހަތަރުބައި ކުޅެ އެއްބައިވެސް ކުރިއަށް އޮތް 3 އަހަރުތެރޭގައި އަހަރަކު ޒިޔާރަތެއް ނުކުރާނެ.

ކަނަމަނަ

މިހާރުވެސް އޮތީދިވެހިންގެ ޓުވަރިޒަމެއް ދުވަހަކު ކޮޅުން އަލީވަހީދަކައް އަލީވަހީދު ހިތައްއެރިހާގޮތެއް ރާއްޖޭގެ ޓުވަރިޒަމް އިންޑަސް ޓުރީއަކައް ނެހެދޭނެ ހީނުކުރާތި ރާއްޖޭގެ ރިސޯޓްތަކަކީ ކަރާހައްދާ ދަޑުތަކެއް ކަމައް

March
SunMonTueWedThuFriSat
2324252627281234567891011121314151617181920212223242526272829303112345