އިންޑިއާގެ ވިޔަފާރީގެ މައި ރަށް މުމްބާއީގެ ރޭލުތަކަށް 2006 ވަނަ އަހަރު ދިން ބޮމުގެ ނުރައްކާތެރި ހަމަލާގައި ކުށްވެރިވާ މީހުންގެ ތެރެއިން ފަސް މީހަކަށް މުމްބާއީގެ ކޯޓަކުން މިއަދު މަރުގެ ހުކުމް އިއްވައިފި އެވެ.
ހަމަލާއާ ގުޅިގެން ޖުމްލަ 12 މީހުންގެ މައްޗަށް ކުށް ސާބިތުވެފައިވާއިރު ހަތް މީހެއްގެ މައްޗަށް އިއްވާފައި ވަނީ އުމުރު ދުވަހުގެ ޖަލު ހުކުމެވެ.
މުމްބާއީގެ ހަލަބޮލި ރޭލު ސްޓޭޝަން ގޮއްވާލީ 11 ޖުލައި، 2006 ވަނަ އަހަރު އެވެ. ރޭލުތަކަށް އަމާޒުކޮށް ހަތް ބޮމެއް ގޮއްވާލިއިރު މި ހަމަލާތަކުގައި 189 މީހަކު މަރާލާފައިވެ އެވެ. ޒަޚަމްވި މީހުންގެ އަދަދު 800 އަށް ވުރެ މައްޗަށް އަރަ އެވެ.
އެ ހަމަލާގެ ތުހުމަތުގެ އިނގިލި އިންޑިއާ އިން ދިއްކުރީ ޕާކިސްތާނުގެ އިސްލާމިކް ހަނގުރާމަވެރިންނަށެވެ. ނަމަވެސް އެގައުމުގެ ހަނގުރާމަވެރިންގެ އަތެއް އެ ހަމަލާގައިވާ ކަމަށް ބުނާ ވާހަކަ ޕާކިސްތާނުން ދޮގުކުރެ އެވެ.