އެމެރިކާގެ މަޝްހޫރު ލަވަކިޔުންތެރިޔާ ޓޭލާ ސްވިފްޓަކީ އަބަދުވެސް އޭނާގެ ފޭނުންނަށް އާދަޔާހިލާފު ގޮތްގޮތަށް ސަޕްރައިޒް ދިނުމަށް މަޝްހޫރު ފަންނާނެކެވެ. ފޭނުންނަށް އޭނާ މިގޮތަށް ދޭ ސަޕްރައިޒްތައް އޭނާގެ ސަޕޯޓަރުން ސިފަކުރަނީ "ސްވިފްޓްމަސް" އެއްގެ ގޮތުގަ އެވެ.
މި ވެސް ހަމަ އެކަހަލަ ކަމެކެވެ. މިފަހަރު "ސްވިފްޓްމަސް" ގެ ދަށުން ޓޭލާގެ އެހީ އޮއްސާލާފައި ވަނީ ކެންސަރު ޖެހިފައިވާ 13 މަހުގެ ތުއްތު ކުއްޖަކަށް ފަރުވާ ހޯދައިދޭނެ މާލީ ތަނަވަސްކަން ނެތް އާއިލާއަކަށެވެ. އައިޑެން ނަމަކަށް ކިޔާ މި ކުއްޖާ އަށް ޓޭލާ ސްވިފްޓް 50،000 އެމެރިކާ ޑޮލަރުގެ އެހީއެއް ފޯރުކޮށްދީފައިވާއިރު މިއީ އެމީހުން އެހީގެ ގޮތުގައި ފަންޑުރެއިޒްކުރަން އަމާޒުހިފި އަދަދުގެ ދެބައިކުޅަ އެއްބަ އެވެ.
ފަންޑްރެއިޒްކުރަމުން ދިޔައީ 20،000 ޑޮލަރު އެއްކުރުމަށެވެ.
ޓޭލާ ސްވިފްޓްގެ މި އެހީ ލިބުނު ކުއްޖާ އަކީ ސްވިފްޓާ އެކު ޓުއާތަކުގައި ބެކަޕް ޑާންސަރެއްގެ ގޮތުގައި މަސައްކަތްކުރާ ޒުވާނެއްގެ ތިމާގެ ކުއްޖެކެވެ.
ކަންޓްރީ ލަވަކިޔުންތެރިއެއްގެ ގޮތުގައި މަޝްހޫރުކަން ހޯދުމަށް ފަހު ޕޮޕް މިއުޒިކްގެ ދުނިޔެ ވެސް މިހާރު ފަތަހަކޮށްފައިވާ ސްވިފްޓަކީ މިއަދުގެ ދުނިޔޭގައި ތިބި އެންމެ ނުފޫޒުގަދަ ލަވަކިޔުންތެރިންގެ ތެރޭގައި ހިމެނޭ ފަންނާނެކެވެ. އުމުރުން 25 އަހަރުގެ މި ލަވަކިޔުންތެރިޔާ ވަނީ މިހާތަނަށް ހަތް ގްރެމީ އެވޯޑް ހާސިލުކޮށް 40 މިލިއަނަށް ވުރެ ގިނަ އަލްބަމް ކޮޕީސް ވިއްކައިފަ އެވެ.