ހުޅުމާލޭ ފަޅުގައި އަޅާފައި އޮތް ސަފާރީއަކުން، ހުޅުމާލެއަށް ބަނގުރާ ގެނައި މައްސަލާގައި ދެ މީހަކު ހައްޔަރު ކޮށްފި އެވެ.
ފުލުހުން ބުނީ ހުޅުމާލޭގައި ފަޅުގައި އަޅާފައިވާ ސަފާރީއަކުން ހުޅުމާލެއަށް ބަނގުރާ ގެންނަ ކަމަށް ލިބުނު މައުލޫމާތަކާއި ގުޅިގެން ހިންގި އޮޕަރޭޝަނެއްގައި 12 ފުޅި ބަނގުރަލާއެކު ދެ މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
މި އޮޕަރޭޝަންގައި ބަނގުރާ ފެނިފައިވަނީ މަގުމަތިން ދިޔަ ކާރެއް ހުއްޓުވައި، ބަލާ ފާސްކުރި އިރު އޭގެ ޑިކީ ތެރެއިންނެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ ދިވެހި ދެ ފިރިހެނުންނެވެ.
