ކުއްތާ ބޭނުން ކޮށްގެން، ފުލުހުން ހުޅުމާލޭގައި ހާއްސަ އޮޕަރޭޝަނެއް ހިންގަން ފަށައިފި އެވެ.
ފުލުހުންގެ މީޑިއާ އޮފިސަރަކު އަވަސް އަށް މައުލޫމާތު ދެއްވަމުން ވިދާޅުވީ މިއަދު ހުޅުމާލޭގައި ކުރިއަށް ގެންދާ އޮޕަރޭޝަނަކީ ވަކި ކަމަކަށް އަމާޒު ކޮށްގެން ހިންގާ އޮޕަރޭޝަނެއް ނޫން ކަމަށެވެ. ނަމަވެސް އެ އޮޕަރޭޝަނުގައި ކުއްތާ ބޭނުން ކުރާނެ ކަމަށެވެ. ވަކި ކަމަކަށް ހާއްސަ ނުކުރާ ކަމަށް ބުނި ނަމަވެސް އޮޕަރޭޝަންތަކުގައި ކުއްތާ ބޭނުން ކުރަނީ މަސްތުވާތަކެތި ހޯދުމަށެވެ.
މި އޮޕަރޭޝަނުގައި ގިނަ އަދަދެއްގެ ފުލުހުން ބައިވެރިވެފައިވާއިރު މައުލޫމާތު ލިބޭ ގޮތިގައި މިއީ މަސްތުވާތަކެތި ހޯދުމަށް ހިންގާ އޮޕަރޭޝަނެކެވެ. މި އޮޕަރޭޝަނުގައި ހުޅުމާލޭ ހުރަވީ ސްކޫލް ހުންނަ ސަރަހައްދުގެ ގެތައް ބަލާ ފާސްކުރަމުން ދާއިރު މިހާތަނަށް މަސްތުވާތަކެތި ފެނިފައިވާ ކަމެއް އަދި ވަނީ ސާފުވާ ގޮތެއް ނުވެއެވެ.
މިދިޔަ މަހުގެ 26 ވަނަ ދުވަހު އެމްޕީއެލް ސަރަހއްދުގައިވެސް ފުލުހުން ވަނީ ހާއްސަ އޮޕަރޭޝަނެއް ކުރިއަށް ގެންގޮސްފަ އެވެ.
