މަޝްހޫރު ކޮމްޕިއުޓަރު ބްރޭންޑް މައިކްރޯ ސޮފްޓުން ދޭ "ބެސްޓް ޕާޓްނަރު" އެވޯޑު ރާއްޖޭގެ މެކްސްކޮމް އަށް ހަތަރުވަނަ އަހަރު ލިބިއްޖެ އެވެ.
"މިއީ ކުންފުންޏަށް ލިބެމުންދާ ކާމިޔާބީތަކަށް އިތުރުވި ބޮޅެއް،" ފަޒީލް ވިދާޅުވި އެވެ.
މެކްސްކޮމްއަށް މީގެ ކުރިން ޑެލްގެ ރާއްޖޭގެ ބެސްޓް ޕާޓްނަރު އެވޯޑު ވެސް ގިނަ އަހަރުތަކަކު ލިބިފައިވެ އެވެ. އެ ކުންފުންޏަށް 2012 ވަނަ އަހަރާ 2013 އަދި 2014 ވަނަ އަހަރު ވެސް ލިބިފައިވެ އެވެ. މެކްސްކޮމް އަށް މައިކްރޯ ސޮފްޓް އެވޯޑު ލިބިފައިވަނީ އެ ކުންފުނިން ދޭ ހިދުމަތުގެ ފެންވަރާއި ސޭލްސް އަށް ވެސް ބެލުމަށްފަހު އެވެ.
ފަޒީލް ވިދާޅުވީ އެ ކުންފުނިން މައިކްރޯ ސޮފްޓުގެ އުފެއްދުންތަކާއި ޑެލް ވިއްކުމުންދާއިރު "ނަމްބަރު ވަން ޑިސްރިބިއުޓާ" އަކަށްވުމަކީ ފަހުރެއް ކަމަށެވެ.
"މި ކަމަކީ ކަސްޓަމާސް އަށް މެކްސް ކޮމްއާ ދެމެދު އޮންނަ ގުޅުން ރަމްޒުކޮށް ދޭ ކަމެއް،" ފަޒީލް ވިދާޅުވި އެވެ.
އޭނާ ވިދާޅުވީ މައިކްރޯ ސޮފްޓްގެ ޓްރެނިން ސެކްޓަރެއް ވެސް އެ ކުންފުނިން މިހާރު ހުޅުވާފައިވާ ކަމަށެވެ.
"އެ ތަނުން ޝޯޓް ޓާމް ޓްރެއިނިން ދެނީ. އައިޓީ ޕްރޮފެޝަނަލް ޓްރެއިން. ސިސްކޯގެ ޓްރެއިން ދެން،" ލޮނު ޒިޔާރަތް މަގުގައި ހުޅުވާފައިވާ ޓްރެއިނިން ސެންޓަރާ ބެހޭ ގޮތުން ފަޒީލް ވިދާޅުވި އެވެ.