އެމްނެސްޓީން ބުނީ އެ ޖަމިއްޔާއިން ތަހުގީގު ކުރި 13 ހަމަލާއެއްގައި ސަތޭކައެއްހާ އާންމުން މަރާލާފައިވާ ކަމަށާއި އޭގެތެރޭގައި 59 ކުޑަކުދިން ހިމެނޭ ކަމަށެވެ.
އެމްނެސްޓީގެ ތަހުގީގަށް މިކަން ހާމަވުމާއެކު، ސައުދީ ކޯލިޝަނަށް ހަތިޔާރު ފޯރުކޮށްދިނުން ހުއްޓާލުމަށް އެ ޖަމިއްޔާއިން ވަނީ ގޮވާލާފަ އެވެ. މިގޮތުން ސައުދީ ކޯލިޝަނަށް ހަތިޔާރު ފޯރުކޮށްދޭ އެމެރިކާ ފަދަ ގައުމުތަކުން، އެގައުމުތަކުގެ ހަތިޔާރު ބޭނުންކޮށްގެން ހަނގުރާމައިގެ ކުށްތައް ހިންގާތޯ ބަލަން ޖެހޭ ކަމަށް އެމްނެސްޓީން ބުންޏެވެ.
ސައުދީ ކޯލިޝަނުން ހޫތީ ހަނގުރަމަވެރިންނާ ދެކޮޅަށް ޔަމަނުގައި ވައިގެ ހަމަލާތައް ދޭން ފެށި މިއަހަރުގެ މާޗް ގައެވެ. މި ކޯލިޝަންގައި ހިމެނޭ ގައުމު ތަކަކީ ސައުދީ ގެ އިތުރުން ބަހުރޭން، މިސްރު، އުރުދުން، ކުވޭތު، މޮރޮކޯ، ގަތަރު، ސޫދާން އަދި ޔޫއޭއީ އެވެ.