މާލޭގައި މިރޭ ތޫނު އެއްޗަކުން މީހަކަށް ހަމަލާދީ އެ މީހާގެ އަތުން ގިނަ އަދަދެއްގެ ފައިސާ ފޭރިގެންފި އެވެ.
ފުލުހުން ބުނީ މިރޭ 10:00 ޖަހާ އެހާކަންހާއިރު އެ މައްސަލަ ހުށަހެޅި ކަމަށައި ހަމަލާދީ ފޭރުމުގެ ހާދިސާ ހިނގީ އަމީނި މަގު ގައި ކަމަށެވެ. އަދި ބުނީ މިހާތަނަށް ލިބިފައިވާ މައުލޫމާތަށް ބަލާއިރު ހަމަލާ ދީ ފޭރުނީ ދެ ސައިކަލެއްގައި ދިޔަ ބަޔަކު ކަމަށެވެ.
ހަމަލާ ދިނުމުގެ ސަބަބުން ޒަހަމްވި މީހާ އައިޖީއެމްއެޗަށް ގެންގޮސް ދަނީ ފަރުވާ ދެމުންންނެވެ. އޭނާ އަށް ލިބުނު ޒަހަމްތަކާއި ފޭރިގަތް ފައިސާތަކުގެ ތަފުސީލު ސާފު ވެފައެއް ނުވެއެވެ.