ބެލަންޑޯ އެވޯޑް މިފަހަރު ކެންސަލް ނުކުރިނަމަ، އޭނާ އަށް މިފަހަރުގެ އެވޯޑް ލިބޭކަމަށް ބަޔާން މިޔުނިކްގެ ފޯވަޑް ރޮބަޓް ލެވަންޑޮސްކީ ބުނެފި އެވެ.
ބަޔާންއަށް ސިޒަން ތިން ތަށި ހޯދައިދިނުމުގައި ލެވޮންޑޮސްކީ ވަނީ މޮޅު ކުޅުމެއް ދައްކާފަ އެވެ. ނިމިދިޔަ ސީޒަންގައި އޭނާ ވަނީ 55 ލަނޑު ޖަހާފަ އެވެ. ލެވަންޑޮސްކީ، 32 ބުނީ މިއަހަރުގެ ބެލަންޑޯ އެވޯޑް ހޯދުމަކީ އޭނާ ވިސްނުން ގެންގުޅު ކަމެއް ނޫން ކަމަށާއި ނަމަވެސް އެވޯޑް ދޭން ނިންމިނަމަ އޭނާއަށް މިއަހަރު އެވޯޑް ލިބޭނެ ކަމަށެވެ.
"އަހަންނަށް އެނގޭ އަހަރެން އިސްކަންދޭ ކަންތައްތައް، އަހަރެން ސަމާލުކަން ދިނީ ޗެމްޕިއަންސް ލީގް ހޯދަން، ފަރުދީ އެއްވެސް އެވޯޑަކަށް އަހަރެން ވިސްނުން ނުގެންގުޅެން، އެވޯޑް ކެންސަލް ކުރަން ނިންމީ އަހަރު މެދުތެރޭގައި އެވޯޑް ދެނީ ޑިސެމްބަރު މަހު، އެ ޑެޑްލައިނަކީ އެކަމާ ވިސްނަން އެހާ ވަގުތު ލިބޭ ކަމެއް ނޫން."
މިއަހަރުގެ ޗެމްޕިއަންސް ލީގަކީ، ލެވަންޑޮސްކީ އަށް ލިބުނު ފުރުތަމަ ޗެމްޕިއަންސް ލީގް ތައްޓެވެ. ލެވަންޑޮސްކީ ބުނީ ޗެމްޕިއަންސް ލީގް ކާމިޔާބު ކުރުމަކީ ކުޑައިރުން ފެށިގެން އޭނާ ގެންގުޅުނު ހުވަފެނެއް ކަމަށެވެ.
ބެލަންޑޯ އެވޯޑް ކެންސަލް ކުރިނަމަވެސް، ފީފާއިން ހޮވާ އަހަރުގެ މޮޅު ކުޅުންތެރިޔާގެ އެވޯޑް ނުދޭނެ ކަމަކަށް ފީފާއިން ނުބުނެ އެވެ.. އެ އެވޯޑްގައި އެންމެ ފޭވަރިޓަކީ ވެސް ލެވަންޑޮސްކީ އެވެ.