ކޮވިޑު ޖެހިގެން ދަރުމަވަންތަ ހޮސްޕިޓަލު (ޑީއެޗް) ގައި އެޑްމިޓްކޮށްފައި އޮތް މީހަކު މިއަދު މަރުވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މި ބަލީގައި މަރުވެފައިވަނީ 79 އަހަރުގެ ފިރިހެނެއް ކަމަށެވެ.
މިއަދުގެ މަރާއެކު ކޮވިޑް-19 ގައި ރާއްޖެއިން މަރުވި މީހުންގެ އަދަދު 29 އަށް ވަނީ އަރައިފަ އެވެ. މިއީ ސެޕްޓެމްބަރު މަހުގެ ފުރަތަމަ ކޮވިޑް މަރެވެ.
ރާއްޖޭގައި ކޮވިޑް-19 ފެތުރޭ މިންވަރަށް މަޑުޖެހުމެއް އައިސްފައިނުވާއިރު، މިދިއަ 24 ގަޑިއިރުގެ ތެރޭގައި ކޮވިޑް-19 އަށް 137 މީހަކު ޕޮޒިޓިވް ވެފައިވާ ކަމަށް އެޗްޕީއޭއިން ވަނީ ބުނެފަ އެވެ.
އެއާއެކު މިއަދު ރާއްޖޭގެ އަދަދު ވަނީ 7,804 އަރާފައެވެ.