އދ. ގެ ނިންމުމުގައި ކޯޓަކުން ބަލަންޖެހޭ ކަމެއް ނެތް: ނަޝީދުގެ އޮފީސް

• އދ. ގެ ވޯކިން ގްރޫޕުން ރައީސް ނަޝީދު ދޫކޮށްލަން ނިންމާފައިވާ ނިންމުމުގައި ޝަރުއީ ކޯޓަކުން ނިންމަން ޖެހޭނެ ކަމެއް ފެންނަން ނެތް ކަމަށް ރައީސް ނަޝީދުގެ އޮފީހުން ބުނެފި އެވެ.
• މިއަދު ރައީސް ނަޝީދުގެ އޮފީހުން ނެރުނު ބަޔާނެއްގައި ބުނަނީ ރާއްޖެއިން ބައިވެރިވެފައިވާ އދ. ގެ ދެ މުއާހަދާ ކަމަށްވާ އިންޓަނޭޝަނަލް ކޮންވެންޝަން އޮން ސިވިލް އެންޑް ޕޮލިޓިކަލް ރައިޓްސް އާއި ޔުނިވާސަލް ޑެކްލަރޭޝަން އޮފް ހިއުމަން ރައިޓްސްގެ ދަށުން ސުޕްރީމް ކޯޓުގެ ނިންމުމަކާއި ނުލާވެސް ރައީސް މުހައްމަދު ނަޝީދު ދޫކޮށްލަން ޖެހޭ ކަމަށެވެ. އަދި އދ. ގެ ނިންމުން އަމާޒުވެފައިވަނީ ދިވެހި ސްރުކާރަށް ކަމަށެވެ.
• އެ ބަޔާނުގައި ބުނަނީ އދ. ގެ އެ ނިންމުމާ ގުޅޭ ގޮތުން މިހާތަނަށް މައްސަލައެއް ހުށަހަޅާފައެއް ނުވާ ކަމަށާއި ޕީޖީގެ ފަރާތުން ސުޕްރީމް ކޯޓަށް ހުށަހަޅާފައިވާ މައްސަލައަކީ ކްރިމިނަލް ކޯޓުން ރައީސް މުޙައްމަދު ނަޝީދުގެ މައްޗަށް ހިންގާފައިވާ ޓެރަރިޒަމުގެ މައްސަލަ ހައި ކޯޓުގައި އިސްތިއުނާފުކުރުމަށް ޕްރޮސިކިއުޓާ ޖެނެރަލް ހުށަހެޅުމުން އެ މައްސަލަ ހައި ކޯޓުން ބަލައި ނުގަތުމުން އެކަން ބަލައިދިނުމަށް ހުށަހަޅާފައިވާ މައްސަލައެއް ކަމަށެވެ.