މިހާރު ރާއްޖެއަށް ވަޑައިގެން އުޅުއްވާ އިންޑިއާގެ އެކްސްޓާނަލް މިނިސްޓަރު ސުޝްމާ ސުވަރާޖް ރައީސް އަބުދުﷲ ޔާމީނު ޢަބުދުލް ގައްޔޫމުގެ އަރިހަށް އިހުތިރާމްގެ ޒިޔާރަތެއް ކުރައްވައިފި އެވެ.
އެކަމަނާ ވަނީ މިއަދު ރައީސް އޮފީހަށް ވަައިގެން މެހުމާނުން ސޮއިކުރައްވާ ފޮތުގައި ސޮއިކުރައްވާފައެވެ.
ރާއްޖެއާއި އިންޑިއާގެ ޖޮއިންޓް ކޮމިޝަންގެ ފަސް ވަނަ ބައްދަލުވުމަށް ރާއްޖެ ވަޑައިގެންނެވި ސުޝްމާ މިއަދު ރައީސް އަރިހަށް ވަަޑައިގެންނެވި އިރު ފޮރިން މިނިސްޓަރު ދުންޔާ މައުމޫނާއި ރައީސް އޮފީހުގެ މިނިސްޓަރު މުޙައްމަދު ޙުސައިން ޝަރީފާއި ރާއްޖޭގައި ހުންނަވާ އިންޑިއާ ސަފީރު ރާޖީވް ޝަހާރޭއާއި އިންޑިއާގައި ހުންނަވާ ރާއްޖޭގެ ސަފީރު އަޙުމަދު މުޙައްމަދުވެސް ބައިވެރިވެވަޑައިގެންނެވި އެވެ.
