ދިރިއުޅުމަށް ދިވެހި ރައްޔިތުން އެދެނީ ފްލެޓް ނޫން ކަމަށާއި ރައްޔިތުން އެދެނީ އެންމެ ކުޑަ މިނުގައި 2000 އަކަފޫޓުގެ ގޯއްޗަކަށް ކަމަށް ރައްޔިތުން މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖަބީރު ވިދާޅުވެ އެކަމަށް ބާރު އަޅުއްވާ ވަހަކަފުޅު ދައްކަވައިފި އެވެ.
މާލެ ކައިރިން ވޭސްޓް މެނޭޖްމެންޓަށާއި ސިނާއީ ކަންކަމަށް ތަރައްގީ ކޮށްފައިވާ ރަށް ތިލަފުށިން ޖާބިރު ހޯއްދަވާފައިވާ ވިޔަފާރި ބިމެއްގައި އަވާރަފުޅު ލެއްޕެވޭނެ ގޮތަށް އެޕާޓްމަންޓެއްގެ އިންތިޒާމްތައް ހަމަޖައްސަވައި ރޭ އެތާނގައި އަވާހަރަފުޅު ލެއްޕެވުމުގެ ކުރިން ޖާބިރު ވަނީ "ގުޑުނައިޓް މެސެޖަ" ކާއެކު ވީޑިއޯކޮޅެއް އާންމު ކުރައްވާފަ އެވެ. އޭގެ އިތުރުން އެ ވީޑިއޯކޮޅާއެކު އާންމުކޮށް އޭނާގެ ކިބައިން އަންނަ ޓުވީޓްކާ ތަފާތު ޓްވީޓެއް ވެސް ކުރެއްވެވި އެވެ.
ޖާބިރު ވިދާޅުވީ ދިވެހި ރައްޔިތުން ފްލެޓަށް ނޭދޭ ކަމަށެވެ. އަބަދު ވެސް އެދެނީ ސާދާ ދިރިއުޅުމެއް އުޅެން އެންމެ ކުޑަމިނުން 2000 އަކަފޫޓުގެ ގޯޗަކަށް ކަމަށެވެ. ދިވެހިންނަށް ބިން ދިނުމުން އެ މީހުން އަމިއްލައަށް ބޯހިޔާވަހިކަން ހޯދާނެ ކަމަށާއި އަބަދު ދިވެހިންނަށް އަވާމެންދުރު ދައްކައިގެން ނުވާނެ ކަމަށެވެ.
"މިރޭ މި ނިދަނީ ތިލަފުށީގައިވާ އަޅުގަނޑުގެ ބިމެއްގައި މިރެއިން މިރެއަށް އަޅުގަނޑު އެޅި ގެއެއްގައި. މިއީ ދިވެހި ރައްޔިތުންގެ މިސާލު! ... ބައްޖާވެރި ރެއަކަށް އެދެން!" ޖާބިރު ވިދާޅުވެފައި ވެއެވެ.
ވިޔަފާރިވެރިޔާ ޖާބިރު ވިދާޅުވީ ކޮވިޑް ބަލީގެ މި ދުވަސްތަކުގައި ވެސް ރާއްޖޭގެ ވަރަށް ގިނަ ރަށްރަށާއި ތަންތަނަށް ވަޑައިގެން އެކި ކަންކަމުގައި އުޅުއްވުމުގެ ފުރުސަތު ލިބި ވަޑައިގެންނެވި ކަމަށަވެ. އެހެން އުޅުއްވުމުން ބިންކޮޅެއް ލިބުމުގެ އުފާ އިހުސާ ކުރެއްވުނު ކަމަށެވެ. އަދި ވިދާޅުވީ ކޮންމެ ދިވެއްސަކަށް ވެސް ބިންކޮޅެއް ލިބުމުން ރީތި ގެއެއް އަޅައިގެން ރީތިކޮށް އުޅެވޭނެ ކަމަށާއި ދިވެހި އެހެން ހުރިހާ ރައްޔިތުންނަށް ވެސް ބިން ކޮޅެއް ލިބިމުން އުފަލުގައި ސާދާ ދިިރިއުޅުމެއް އުޅޭނެ ކަމަށެވެ.