ގްރޭޑް 7،4 ގެ ގައުމީ އެސެސްމަންޓް އިމްތިހާން ފަށައިފި

• ގައުމީ ފެންވަރުގައި ގްރޭޑް ހަތަރެއް އަދި ހަތެއްގެ ދަރިވަރުންގެ ފެންވަރު ބަލަން ބާއްވާ ގައުމީ އެސެސްމަންޓް ޓެސްޓް ސްކޫލުތަކުގައި މިއަދު ފަށައިފި އެވެ.
• ގްރޭޑް 4 އަދި 7 ގައި ތައުލީމް ހާސިލްކުރަމުންދާ ދަރިވަރުންގެ ފެންވަރު ބެލުމުގެ މި އިމްތިހާނު ގްރޭޑް 7 ގެ ދަރިވަރުން މިއަދު ހެނދުނު ހަދާފައިވާ އިރު، ގްރޭޑް 4 ގެ ދަރިވަރުންގެ އިމްތިހާނު އޮންނާނީ މިއަދު ހަވީރެވެ.
• ދެ ގްރޭޑަށް ވެސް މިއަދު އޮތީ އިނގިރޭސި ޓެސްޓެވެ. އަދި މާދަމާ އޮންނާނީ ހިސާބެވެ.
• ސްކޫލުތަކުން ދޭ ތައުލީމުގެ ފެންވަރު ބަލައި، ކުދިންގެ ތައުލީމީ ފެންވަރު މަތިކުރަން ގައުމީ ފެންވަރުގައި ބާއްވާ މި އިމްތހާނުގައި މިހާތަނަށް ހަދަމުން އައީ އިނގިރޭސި އާއި ހިސާބު މާއްދާ އެވެ. އެހެން ނަމަވެސް އަންނަ އަހަރުން ފެށިގެން ދިވެހި މާއްދާ ޓެސްޓުތަކުގެ ތެރެއަށް އިތުރުކުރަން ނިންމާފައިވާ ކަމަށް އެޑިއުކޭޝަން މިނިސްޓްރީން ވަނީ ބުނެފަ އެވެ.
• ޓެސްޓުގައި ދިވެހި މާއްދާ ހިމެނުމަށް މި މަހުގެ 18 ވަނަ ދުވަހު ރާއްޖޭގެ 11 ސްކޫލެއްގައި އެ މާއްދާގެ ޕައިލެޓް އިމްތިހާނު އޮންނާނެ ކަމަށް ވެސް އެ މިނިސްޓްރީން ވަނީ ބުނެފައެވެ.
• ފެންވަރުބެލުމުގެ އެސެސްމަންޓް ޓެސްޓަކީ ރާއްޖޭގެ ސްކޫލުތަކުގައި ކޮންމެ ތިން އަހަރުން އެއް އަހަރު ބާއްވާ އިމްތިހާނެކެވެ.