ކ. މާފުށީގައި ބަނގުރާ ގެންގުޅުނު މީހެއްގެ އަދަބަށް ލުއިދީ، ޖޫރިމަނާކޮށްފި އެވެ.
އޭނާ ޖޫރިމަނާކުރިއިރު މާލޭގައި ބަނގުރާ ބޭނުންކޮށް އަދި އޭގެ ވިޔަފާރިކުރި ކަމުގެ ތުހުމަތުގައި ހައްޔަރު ކުރި ތިން މީހަކު ކޯޓުން ވަނީ ނިމުނު ހަފްތާގައި ދޫކޮށްލާފަ އެވެ.
މާފުށީގައި ބަނގުރާ ގެންގުޅެގެން ހުކުމެއް އައި މީހާގެ މައްޗަށް ދައުލަތުން އުފުލާފައިވަނީ ހުއްދަ ނަގައިގެން ކުރަން ޖެހޭ ކަމެއް ހުއްދަ ނުނަގައި ކުރުމުގެ ކުށުގެ ދައުވާ އެވެ.
ދެހާސް ތޭވީސް ވަނަ އަހަރު މާފުށީ ގެސްޓް ހައުސްއެއްގައި ބަނގުރާ ގެންގުޅޭ ކަމަށް ފުލުހުންނަށް ލިބުނު މައުލޫމާތަކާ ގުޅިގެން ރެއިޑްކޮށް ހައްޔަރުކުރި މި މީހާގެ މައްޗަށް ހުކުމް އިއްވާފައިވަނީ މިދިޔަ ޑިސެމްބަރު މަހު އެވެ.
މި މައްސަލައިގެ ޝަރީއަތުގައި، ކުށްކުރި މީހާ ވަނީ އޭނާ ބަނގުރާ ގެންގުޅުނު ކަމަށް އިއުތިރާފު ވެފަ އެވެ.
އޭނާ ވަނީ ކުށުގެ އަދަބެއްގެ ގޮތުން ޖަލު އަދަބެއްގެ ބަދަލުގައި ޖޫރިމަނާއެއް ކުރުމަށް ކޯޓުގައި އެދިފަ އެވެ.
ޖޫރިމަނާ ކުރުމަށް ދައުލަތުންވެސް އިއުތިރާޒު ނުކުރާތީ އޭނާގެ މައްޗަށް އިއްވި ޖަލު ހުކުމް ޖޫރިމަނާއަކަށް ބަދަލުކުރި އެވެ.
މި މައްސަލައިގައި ބަނގުރާ ގެންގުޅުނު މީހާގެ މައްޗަށް އިއްވީ، އެއް މަހާއި 24 ދުވަހުގެ ޖަލު ހުކުމެވެ. އެކަމަކު އެ ހުކުމް ޝަރީއަތުން ވަނީ 10،800 ރުފިޔާގެ ޖޫރިމަނާއަކަށް ބަދަލުކޮށްދީފަ އެވެ.