ދިވެހި މަސްވެރިންނަށް ފޯޖީ ރާޑަރު ތައާރަފުކުރަނީ

• ދިވެހި މަސްވެރިންނަށް ފޯޖީ ރާޑަރު ތައާރަފުކުރަން މައިޒާން އިލެކްޓްރޯނިކްސް އިން ތައްޔާރުވެއްޖެ އެވެ.
• މައިޒާން އިލެކްޓްރޯނިކްގެ ވެރިޔާ އަހުމަދު މަނިކު (މައިޒާން އަހަންމަދޭ) ވިދާޅުވީ އައިންމަތީ ދޫނި ދެނެގަތުމަށް ހާއްސަ މި ރާޑަރު މި އަހަރުގެ މަސްވެރިންގެ ދުވަހު ރާއްޖެއަށް ތައާރަފު ކުރަން ތައްޔާރުވަމުން އަނަނަ ކަމަށެވެ.
• މަސްވެރިންގެ ދުވަހަކީ އަންނަ މަހުގެ 10 ވަނަ ދުވަހެވެ.
• "މި ރާޑަރަކީ މިހާރު ވެސް ދުނިޔޭގައި ބޭނުންކުރާ އެއްޗެއް. ނަމަވެސް ދިވެހި މަސްވެރިންނަށް މި ތައާރަފު ކުރަނީ އަލަށް" އަހައްމަދޭ ވިދާޅުވި އެވެ.
• އޭނާ ވިދާޅުވީ މި ރާޑަރު ތައާރަފު ކުރުމުން މަސް އައިން ދެނެގަތުމަށް މިހާރަށް ވުރެ ފަސޭހަ ވެގެންދާނެ ކަމަށެވެ.
• "މިދިޔަ އަހަރު ފޯޖީ ރާޑަރު ތައާރަފު ކުރީ. މީގެ ސަބަބުން މަސްވެރިންނަށް ކުރިއެރުން ލިބޭނެ. ފަސޭހައިން އައިން ފެނޭނެ. މީގެ އިތުރުން މި ރާޑަރުގެ ސަބަބުން މަސް ދޯނި ފަހަރުވެސް ދުރުން ފެންނާނެ،" އަހަންމަދޭ ވިދާޅުވި އެވެ.
• މައިޒާން އިލެކްޓްރޯނިކްސްއިން ދަނީ މަސްވެރިންނަށް ހާއްސަ ޓެކްނޮލޮޖީ ތައާރަފު ކުރަމުންނެވެ. އެ ކުންފުނިން ވަނީ ފިޝް ފައިންޑާ އާއި މެޕްސް ވެސް ދިވެހި މަސްވެރިންނާ ހަމައަށް ގެނެސްދީފަ އެވެ.