ޓްރީ ޓޮޕް ހޮސްޕިޓަލުން "ހިތާނީ ޕެކޭޖް 2020" ތައާރަފުކޮށް ނަން ނޯޓު ކުރަން ހުޅުވާލައިފި އެވެ.
ޓްރީ ޓޮޕް ހޮސްޕިޓަލުން މިއަދު ބުނީ، ޕެކޭޖް ތައާރަފުކޮށް ނަން ނޯޓު ކުރުމުގެ ފުރުސަތު ޑިސެމްބަރު 31 ގެ ނިޔަލަށް އޮންނާނެ ކަމަށެވެ. އެ ޕެކޭޖްގެ ދަށުން ހިތާނީ ކޭމްޕުތައް ފަށާނީ މި މަހު 15 ވަނަ ދުވަހުން ފެށިގެން ކަމަށެވެ.
ހިތާނީ ކޭމްޕުގައި އިސްކޮށް ހަރަކާތްތެރި ވާނީ އޮޕަރޭޝަނަށް ހާއްސަ ޑޮކްޓަރުންނާއި، ކުޑަކަމުދާ ނިޒާމަށް ހާއްސަ ޑޮކްޓަރުންނާއި، ހޭނެއްތުން އަދި އައްސި ކުރުމަށް ހާއްސަ ޑޮކްޓަރުންނާއެކު ނަރުހުންގެ ޓީމެކެވެ.
ޕެކޭޖުގެ އަގަކީ، އާސަންދަ އަށްވާ ފައިސާ ކެނޑުމަށް ފަހު 4،000 ރުފިޔާ އެވެ.