އޭސީ މިލާން މިހާރު އޮތީ ރަނގަޅު މަގެއްގައި ކަމަށް އެ ޓީމުގެ ކުރީގެ ތަރި ރިކާޑޯ ކަކާ ބުނެފި އެވެ.
އާ ސީޒަންގައި މިލާން އޮތީ ރަނގަޅު ފޯމެއްގަ އެވެ. ކުޅުނު ތިން މެޗުންވެސް މޮޅުވިއިރު ބައިކޮޅަށް ލަނޑެއް ވަދެފައެއް ނުވެ އެވެ. ކާކާ ބުނީ ޒްލަޓާން އިބްރޮހިމްވިޗް މިލާންގައި ހުރުމުން އެ ޓީމުގައި އޭނާ ތަފާތު ދައްކާނެ ކަމަށެވެ.
އެ ޓީމުގެ އޮނިގަނޑު އޮންނަ ގޮތުން ކޮންމެ ކުޅުންތެރިޔަކަށްވެސް ކުރިއަށް ދާން ފަސޭހަ ވަނެ ކަމަށެވެ. އޭނާ މިލާންގައި ހުރިއިރުވެސް އެއެ ޓީމުގައި ގާއިމުކޮށްފައިވާ އޮނިގަނޑުގެ ސަބަބުން އޭނާ އަށް ވެސް އެހީއަކަށް ވި ކަމަށް 2007 ގެ ޔޫއެފާ ޗެމްޕިއަންސް ލީގް މިލާނަށް ހޯދައިދިނުމުގައި މުހިންމު ދައުރެއް އަދާ ކުރި ކަކާ ބުންޏެވެ.
އޭނާ ބުނީ މިލާންގެ އޯނާޝިޕް މިހާރު އޮންނަ އެމެރިކާގެ އެލިއޮޓް މެނޭޖްމެންޓް ކޯޕަރޭޝަނުން ޓީމާ ހަވާލުވި ފަހުން ރަނގަޅު ބަދަލުތަކެއް ގެނެސް މަސައްކަތް ކުރަމުންދާ ކަމަށެވެ. އަދި އެ ބަދަލުތަކުގެ ނަތީޖާ ފެންނަމުންދާކަން ކަކާ ފާހަގަ ކުރި އެވެ.
އިޓަލިއަން ލީގް އަދި މިލާންގައިވެސް ސީނިއާ ކުޅުންތެރިންގެ ދައުރު ފެންނަނީ ފުޅާ ކޮށެވެ. ކަކާ ބުނީ ޒުވާން ކުޅުންތެރިންގެ ޑިވްލަޕްމެންޓަށް އެއީ ވަރަށް މުހިންމު ކަމެއް ކަމަށެވެ.
"އަހަރެންވެސް މިލާނަށް އައިރު އޭރުތިބި ސީނިއާ ކުޅުންތެރިންނާ އެކު ހޭދަ ކުރަން ނުލިބުނު ނަމަ، އަހަރެން ވާސިލުވި ހިސާބަކަށް އަހަންނަކަށް ނުދެވޭނެ، ޒުވާން ކުޅުންތެރިން އެކަނި ހިމަނައިގެން ނުފުދޭނެ،" ކަކާ ބުންޏެވެ. "ތަޖުރިބާކާރު ކުޅުންތެރިންގެ ކިބައިން ކަންކަން ދަސް ކުރުމަކީ މުހިންމު ކަމެއް."
"ވިސާނާލަމާ ހިނގާ އާސެނަލްގެ މޮޑެލްއާ މެދު، އޭތިވެސް ރަނގަޅު ނަމަވެސް މިދިޔަ އަހަރުތަކުގައި އެ ޓީމަށް ކާމިޔާބެއް ނުހޯދޭ، އަހަންނަށް މާ ރަނގަޅު ސީނިއާ ކުޅުންތެރިންނާއި ޒުވާން ކުޅުންތެރިންވެސް ހިމަނައިގެން ކުރިމަގަށް ކޮލިޓީ ހިފެހެއްޓިގެން ކުރިއަށް ދެވޭނީ."