ރާއްޖޭގެ އުތުރުން އިހަވަންދިއްޕޮޅުގައި ތަރައްގީ ކުރާ ބޮޑު ބިޔަ ޕްރޮޖެކްޓް އައިހެވަން މަޝްރޫއުގެ ފީސިބިލިޓީ ސްޓަޑީޒްގެ މަސައްކަތް އިއްޔެ ނިންމާލައިފި އެވެ. މި ފީޒިބިލިޓީ ސްޓަޑީގެ މަސައްކަތް ފެށީ މީގެ ހަތަރު މަސް ދުވަސް ކުރިންނެވެ.
އިކްނޮމިކް މިނިސްޓަރު މުހައްމަދު ސައީދު ވިދާޅުވީ ރައީސް އަބްދުﷲ ޔާމީން އަވަހާރަކޮށްލަން ދިން ހަމަލާއާ ގުޅިގެން ސަރުކާރުގެ ހިންގުމަށާއި ފަށަން ތައްޔާރުވެފައިވާ ޕްރޮޖްކެޓްތަކަށް އެއްވެސް ބަދަލެއް ނާންނަ ކަމަށާއި ކުރިޔަށްވުރެ މަސައްކަތްތައް ބާރަށް ގެންދާނެ ކަމަށާއި އެކަމުގައި ރައީސް ހުންނެވީ ސާބިތު ކަމާއެކުގައި ކަމަށެވެ.
"އެއްވެސް މަސައްކަތެއް ފަހަތަކަށް ނުދާނެ، މިހާރު އެއްމަސް ދުވަހަށްވީ މާލެ/ހުުޅުލޭގެ ބްރިޖްގެ މަސައްކަތް ފަށަން ވެސް. އަދި މިއަދު މި ނިންމާލީ އައިހެވަން ޕްރޮޖެކްޓްގެ ފީޒިބިލިޓީ ސްޓަޑީގެ މަސައްކަތް ވެސް. އެހެންވީމާ ރައީސް ޔާމީންގެ ފައްޓަވާފައިވާ ޕްރޮޖެކްޓްތައް ބަރާބަރަށް ކުރިޔަށްދާނެ،" ސައީދު ވިދާޅުވި އެވެ.
ސީޕޯޓަކާއި އެއާޕޯޓެއް ހިމެނޭ ގޮތަށް ތަރައްގީ ކުރާ ފްރީޓްރޭޑް ޒޯން، އައިހެވަންގެ ފިޒިބިލިޓީ ސްޓަޑަޒީޒްގެ މަސައްކަތް ކޮށްފައި ވަނީ ބީސީޖީ ގްރޫޕުންނެ.
އައިހެވަންގެ ފީސިބިލިޓީގައި ހަތް ސްޓޭޖެއް ހިމެނެ އެވެ. އޭގެ ތެރެއިން ބީސީޖީ ގްރޫޕުން ނިންމާފައި ވަނީ ކުރިއަށް އުތުރުގައިޕްރޮޖްކެޓް ތަރައްގީ ކުރާ ސަރަހައްދުގެ ޓްރެފިކް މޮނީޓާކޮށް އެކުލަވާލަން ޖެހޭ ރިޕޯޓްގެ މަސައްކަތެވެ.
އައިހެވަންގެ މަޝްރޫއުގެ ފީސިބިލިޓީއެއް ހަދަނީ އެ މަޝްރޫއު ބަޔަކާ ހަވާލުކުުރުމުގެ ކުރިން، އެ މަޝްރޫއުގެ ކަންކަން ޔަގީން ކުރުމަށެވެ. މި މަޝްރޫއަށް ސައުދީ އަރަބިއްޔާ އާއި އިންޑިއާގެ ކުންފުނިތަކުން ޝައުގުވެރިވެފައި ވެއެވެ.