އުރީދޫން އެޕަލްގެ ފަހުގެ ފޯނު އުރީދޫން ޕްރީ އޯޑަރަށް

އުރީދޫ މޯލްޑިވްސް އިން އައިފޯން 12 އަދި އައިފޯން 12 ޕްރޯ ޕްރީއޯޑަށް "މޫލީ" މެދުވެރިކޮށް ހުޅުވާލައިފި އެވެ.

އުރީދޫން ބުނި ގޮތުގައި އެ ކުންފުނީގެ އީ- ކޮމާސް ޕްލެޓް ފޯމް މޫލީ މެދުވެރިކޮށް އައިފޯން 12 އަދި އައިފޯން 12 ޕްރޯ ޕްރީއޯޑަށް ހުޅުވާލާފައިވާއިރު، މި ފޯނު ރާއްޖޭގެ ހުރިހާ ހިސާބުތަކަށް ފޯރުކޮށްދޭނެ ކަމަށެވެ.

އެޕަލްގެ އައިފޯން 12 ގެ މޮޑެލްތަކުގައި ފުރިހަމަ ކެމެރާ ސިސްޓަމްތަކަކާއި އެކު އެޖް-ޓު-އެޖް ސުޕަ ރެޓިނާ އެކްސް.ޑީ.އާރް ޑިސްޕްލޭ ހިމަނާފައިވެ އެވެ. ހަމައެއާއިއެކު، ސެރަމިކް ޝީލްޑް ފްރަންޓް ކަވަރަކާއި އެކު، އައިފޯން 12 ސީރީޒްގެ ފޯނުތަކުގައި އެކުލެވިފައިވާ އެޕަލްގެ އޭ-14 ބަޔޮނިކް ޗިޕް އަކީ މިހާތަނަށް ސްމާޓްފޯނެއްގައި ބޭނުންކުރެވިފައިވާ އެންމެ ހަލުވި ޗިޕެވެ.

އުރީދޫން ބުނި ގޮތުގައި މެދުވެރިކޮށް، ކަސްޓަމަރުންނަށް އައިފޯން 12 އަދި އައިފޯން 12 ޕްރޯ، ޕްރީއޯޑަރު ކުރެވޭ ކަމަށާ މި ޕްރީ- އޯޑަރުގެ އިތުރު މައުލޫމާތު މައުލޫމާތު އެ ކުންފުނީގެ ސައިޓުން ލިބޭނެ ކަމަށެވެ.