މާލެއިން ގެއްލިގެން ހޯދި އަންހެން މީހާ ފެނިއްޖެ އެވެ.
ފުލުހުން ބުނީ މިދިޔަ މަހުގެ 31 ވަނަ ދުވަހުން ފެށިގެން ގެއްލިގެން ހޯދަމުން ދިޔައީ ރ. ކިނޮޅަސް، ލަގްޒަރީ، ޝިރުމީނާ އަބޫބަކުރު (33އ) ކަމަށެވެ. އޭނާ މިއަދު ހެނދުނު 8:45ގައި އަމިއްލަޔަށް ގެއަށް އައިސްފައިވާ ކަމަށް އާއިލާއިން މައުލޫމާތު ދީފައިވާ ކަމަށް ފުލުހުން ވަނީ ބުނެފަ އެވެ.
ފުލުހުން ބުނީ ޝިރުމީނާ ގެއްލިގެން ރިޕޯޓް ކޮށްފައިވަނީ މިދިޔަ ހޮނިހިރު ދުވަހުގެ ރޭ 10:45 ގައި ކަމަށެވެ. އެ ވަގުތުން ފެށިގެން ޝިރުމީނާ ހޯދުމުގެ މަސައްކަތް ކުރަމުންދިޔަ ކަމަށެވެ.