އާޖެންޓީނާގެ ފުޓްބޯޅަ ލެޖެންޑް ޑިއޭގޯ މެރަޑޯނާ، ސިކުނޑީގެ އޮޕަރޭޝަނެއް ކޮށްފި އެވެ.
މެކްސިކޯގައި 1986 ގެ ވޯލްޑް ކަޕް އާޖެންޓީނާ އަށް ހޯދައދިނުމުގައި އެންމެ މުހިންމު ދައުރެއް އަދާ ކުރި މެރަޑޯނާ ހަދާފައި ވަނީ ސިކުނޑިއަށް ލޭ ފޮނުވުމާ ގުޅޭ ނިޒާމްގެ ސާޖަރީ އެކެވެ.
މިދިޔަ ހުކުރު ދުވަހު 61 ވަނަ އުފަން ދުވަސް ފާހަގަ ކުރި މެރަޑޯނާ ކުއްލިއަކަށް ބަލިވުމުން އާޖެންޓީނާގެ ކްލިނިކެއްގައި އެޑްމިޓް ކުރެވުނީ ހޯމަ ދުވަހު އެވެ. އޭގެ ފަހުން ހެއްދި ސްކޭންތަކުން އޭނާގެ ސިކުނޑީގެ ލޭ ފޮނުވާ ނިޒާމްގެ އޮޕަރޭޝަނެއް ކުރަން ޖެހޭކަން ހާމަ ވުމުން އޭނާ އެޑްމިޓް ކުރި ލަ ޕްލާޓާ ކްލިނިކާ 70 ކިލޯމީޓަރު ދުރުގައވާ އޮލިވޮސް ކްލިނިކަށް އޭނާ ބަދަލު ކުރެވުނެވެ.
މެރަޑޯނާގެ ޕާސަނަލް ޑޮކްޓަރު ލިއޯޕޮލްޑޯ ލޫކޭ ބުނީ، އޮޕަރޭޝަނަށް ފަހު މެރަޑޯނާގެގެ ހާލު ރަނގަޅު ކަމަށެވެ. އޭނާ ބުނީ، މެރަޑޯނާ ކލިނިކަށް ދިޔައީ ހާލު ބޮޑުވެގެން ނޫން ކަމަށާއި އެ އޮޕަރޭޝަނަކީވެސް އާންމު އުސޫލުން އޭނާ ހައްދާ ސާޖަރީއެއް ކަމަށެވެ.
އާޖެންޓީނާގެ ކުރީގެ ކެޕްޓަން ވަނީ 2006 ވަނަ އަހަރުގެ ވޯލްޑް ކަޕްގައި އާޖެންޓީނާއަށް ކޯޗް ކޮށްދީފަ އެވެ. އޭނާ އަކީ މިހާރު އާޖެންޓީނާގެ ގިމްނާސިއާ އެސްގްރިމާގެ ކޯޗެވެ.