ކެނެޑާގައި ބޭއްވި އާންމު އިންތިޚާބުގައި ލިބަރަލް ޕާޓީން ހޯދި ކާމިޔާބީއާ ގުޅިގެން، އެ ޕާޓީއަށާއި، ކެނެޑާގެ ބޮޑުވަޒީރުކަމަށް އަލަށް އިންތިޚާބުވެވަޑައިގެންނެވި ޖަސްޓިން ޓްރޫޑޯއަށް ރައީސުލްޖުމްހޫރިއްޔާ އަބްދުﷲ ޔާމީން ތަހުނިޔާ ވިދާޅުވެއްޖެއެވެ.
ރައީސުލްޖުމްހޫރިއްޔާގެ މެސެޖުގައި، ދިވެހި ސަރުކާރާއި، ރައްޔިތުންނާއި، އެމަނިކުފާނުގެ އަމިއްލަ ނަންފުޅުގައި، ޖަސްޓިން ޓްރޫޑޯއަށާއި ލިބަރަލް ޕާޓީގެ މެންބަރުންނަށް ތަހުނިޔާ ވިދާޅުވެފައިވެއެވެ. އަދި ޖަސްޓިން ޓްރޫޑޯގެ ޒަޢާމަތުގައި، ކެނެޑާއަށް އިތުރު ފާގަތިކަމާއި ކުރިއެރުން ލިބިގެންދާނެކަން ޔަގީން ރައްވާ ކަމުގައި ރައީސުލްޖުމްހޫރިއްޔާ ވިދާޅުވެފައިވެއެވެ.
މީގެ އިތުރުން، ރާއްޖެއާއި ކެނެޑާއާ ދެ ގައުމުގެ ދެމެދުގައި އޮތް ގާތް ގުޅުން އިތުރަށް ވަރުގަދަ ކުރެއްވުމަށް މި ސަރުކާރުން އަބަދުވެސް އެއްބާރުލުން ދެއްވާނެކަމުގެ ޔަގީކަން ރައީސުލްޖުމްހޫރިއްޔާ ދެއްވާފައިވެއެވެ.
ކެނެޑާގެ އާ ބޮޑުވަޒީރު ޖަސްޓިން ޓްރޫޑޯ