ހަބަރު

އާބިޓްރޭޝަން މައްސަލަ ހުށަހެޅޭ ގޮތަށް، ހިދުމަތް ފަށައިފި

Dec 14, 2020
އިންޓަނޭޝަނަލް އާބިޓްރޭޝަނާބެހޭ ގޮތުން މިއައިއޭސީ އިން ކުރިއަށް ގެންދިއަ މައުލޫމާތު ސެޝަނެއް. -- ފޮޓޯ: މިއައިއޭސީ
0%
0%
0%

އާބިޓްރޭޝަން މައްސަލަތައް ހުށަހެޅޭ ގޮތަށް މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރު (މިއައިއޭސީ)ގެ ހިދުމަތްތައް ފޯރުކޮށްދޭން ފަށައިފި އެވެ.

އެ ސެންޓަރުން މިއަދު ނެރުނު ބަޔާނެއްގައި ބުނީ، އާބިޓްރޭޝަނުގެ ގާނޫނު ގައި ބަޔާންކޮށްފައިވާ ގޮތުގެ މަތިން އާބިޓްރޭޝަނުގެ ކަންކަމާއި ގުޅުން ހުރި ހިދުމަތްތައް ރަސްމީކޮށް ދޭން ފަށާފައިވާ ކަމަށެވެ.

މިގޮތުން، ވެބްސައިޓް މެދުވެރިކޮށް، މައްސަލަ ހުށަހަޅަން ބޭނުންވާ ފަރާތްތަކަށް މިހާރު މައްސަލަ ހުށަހެޅޭނެ ކަމަށް ބުންޏެވެ.

މީގެ އިތުރުން، ވާޗުއަލް ހިދުމަތްތަކާއެކު އާބިޓްރަލް ޕްރޮސީޑިން ކުރިއަށް ގެންދިއުމުގެ އިހްތިޔާރު މައްސަލައިގައި ހިމެނޭ ފަރާތްތަކަށް ލިބޭނެ ކަމަށް ވެސް އެ ބަޔާނުގައި ބުނެފައިވެ އެވެ.

އާބިޓްރޭޝަންގެ ގާނޫނު 2013 ގައި ވުޖޫދުވެ އެ ގާނޫނުގެ ދަށުން އުފައްދަން ޖެހޭ އާބިޓްރޭޝަން ސެންޓަރު ހުޅުވީ އޭގެ ހަ އަހަރު ފަހުންނެވެ.

ސެންޓަރުގެ މަސައްކަތް އަމަލީ ގޮތުން މިދިއަ އަހަރުގެ އެޕްރީލް މަހު ފެށުމާއެކު، ތަޖުރިބާކާރު އާބިޓްރޭޓަރުންގެ ދަފުތަރެއް އެކުލަވާލުމާއި، ބޭސް މެނޭޖްމަންޓް ޕޯޓަލެއް ގާއިމްކުރުމުގެ އިތުރުން އާބިޓްރޭޝަން ރޫލްސް ވަނީ ޝާއިއުކޮށްފައި އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
January
SunMonTueWedThuFriSat
2930311234567891011121314151617181920212223242526272829303112345678