ޅ. ހުރުވަޅިއަށް ސިފައިން އަރާ އެ ރަށް ބަލައި ބައެއް މީހުންނާ ސުވާލުކޮށްފި އެވެ.
ހުރަވަޅިއަކީ ރިސޯޓެއް ތަރައްގީ ކުރަމުން އަންނަ ރަށެކެވެ. ނަމަވެސް އެ ރަށަށް ސިފައިން އެރި ސަބަބެއް ސާފުވާ ގޮތެއް އަދި ނުވެއެވެ. ނަމަވެސް ސިފައި އެރަށަށް ގޮސް ބައެއް މީހުންނާ ސުވާލުކޮށް ތަންތަން ފާސް ކުރުމަށް ފަހު ވަނީ އެ ރަށުން ފައިބައިގެން ގޮސްފައެވެ.
މި މައްސަލައާ ގުޅިގެން އެމްއެންޑީއެފަށް ގުޅުމުން ބުނީ އެއީ "ސިފައިންގެ މަސްއޫލިއްޔަތާ ގުޅޭ ކަމެއް ކަމަށާއި ވަކި ހާއްސަ ކަމަކާ ގުޅުމެއް ނެތް" ކަމަށެވެ.
ހުރަވަޅިއަކީ ޗަމްޕާ ގްރޫޕުން ތަރައްގީ ކުރާ ރަށެއް ކަމަށް ވެއެވެ.
ފިނިންމާ ލޯންޗުގައި ރައީސް އަބްދުﷲ ޔާމީން އަވަހާރަކޮށްލުމަށް ދިން ބޮމުގެ ހަމަލާއަށްފަހު އިންކްއަރީ ކޮމިޝަނަކުން ތަހުގީގެއް ކުރިޔަށް ގެންދާއިރު މިހާތަނަށް ވަނީ ވަރަށް ގިނަ ތަންތަން ބަލައި ފާސްކޮށް ބައެއް ތަންނު ބައެއްތަކެތި ވެސް ގެންގޮސްފައެވެ.