އަލިފާނުގެ ހާދިސާއާ ގުޅިގެން 50 މީހުން އެހީތެރި ކަމަށް އެދުނު ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.
އެންޑީއެމްއޭ އިން ބުނީ އެ މީހުންގެ ރަޖިސްޓްރޭޝަން ހަދާފައިވާ ކަމަށެވެ.
އެ މީހުންނަށް ބޭނުންވާނެ ޒަރޫރީ އެހީތެރިކަން ފޯރުކޮށްދިނުމަށް ސޯޝަލް ސެންޓަރުގައި ހުރި އިވެކުއޭޝަން ސެންޓަރު ތައްޔާރުކުރެވިފައިވާ ކަމަށާއި އެހެން ނަމަވެސް އާއިލާތައް އެދުމުގެ މަތިން ވަގުތީ ގޮތުން އެ މީހުން ތިމާގެ ގޭގެއަށް ބަދަލުވެފައިވާ ކަމަށް އެންޑީއެމްއޭ އިން ބުނެފައިވެ އެވެ.
އެންޑީއެމްއޭ އިން ބުނި ގޮތުގައި މިހާރު އެ އޮތޯރިޓީން ދަނީ ގެއްލުން ލިބުނު އިމާރާތްތަކުގެ ރެޕިޑް އެސެސްމަންޓްއެއް ހަދަމުންނެވެ.
މިތަންތަނަށް މީހުން ބަދަލުވާން ރައްކާތެރިނަމަ އާއިލާތައް ބަދަލުކުރަން އެހީތެރިކަން ފޯރުކޮށްދޭނެ ކަމަށްވެސް އެންޑީއެމްއޭ އިން ބުނެފައިވެ އެވެ.
ހައުސިން މިނިސްޓްރީގައި އަލިފާން ރޯވެގެން ސިފައިން ހަރަކާތްތެރިވާން ފެށީ މިއަދު ހެނދުނު 6:30 ހާއިރު އެވެ. އަލިފާން ފެތުރި މާލޭ ސިޓީ ކައުންސިލްގެ ވައިޓަލް ރެޖިސްޓްރޭޝަންގެ އޮފީހުގައިވެސް ވަނީ ރޯވެފަ އެވެ.